Chasing Your Love (???????????????????????)??(Completed ?)

Step 7 : That girl just stranger to me!

"អឺ...អឺ!! អូន Ji កុំយំអីណា៎!! ប្រហែលបង Yoon គាត់ពិបាកចិត្តរឿងការងារអីចឹងទេ! ប្រហែលជាគាត់មួម៉ៅ! មនុស្សចាស់ច្រើនតែមួម៉ៅច្រើនហើយឆេវឆាវតិចហើយណា៎! តែបងជឿថាបង Yoon គ្មានចេតនាកាចដាក់អូនឯងឡើយ! មោះ!! ឲ្យបងទុកឲ្យក៏បានណា៎! ចាំបងយកទៅជូនគាត់ណា៎! ហើយឆ្លាត! កុំយំណា៎! លែងស្អាតហើយ! នេះក៏ឲ្យបងសុំទោសជំនួសបង Yoon ផងទៅចុះ!!! កុំអន់ចិត្តអន់ថ្លើមអីនឹងគាត់ណា៎ Ji !"។ Jimin ក៏ទទួលថង់កាដូហើយហុចកូនកន្សែងរបស់គេឲ្យនាងជូតទឹកភ្នែកមុននឹងលើកដៃមកអង្អែលក្បាលនាងដូចជាប្អូនស្រីម្នាក់ចឹងហើយ Jiyou ក៏ចាកចេញមកផ្ទះវិញតែម្តង។

ពេលនេះនាងក្រមុំក៏មកដល់ផ្ទះរហ័សឡើងបន្ទប់គេងហើយរៀបចំឥវ៉ាន់សម្រាប់ការចាកចេញទៅ Busan របស់នាងនៅស្អែកនេះតែរៀបចំសុខៗនាងក៏នឹកដល់រឿងមុននេះទៀត។

"នេះខ្ញុំធ្វើអីខុសបាបជាពូ Yoon ខឹងនឹងខ្ញុំចឹង? ខ្ញុំទិញរបស់មិនត្រូវចិត្តគាត់មែនទេ? ខ្ញុំ...ហឹុក...ខ្ញុំ....ហឹុក...ម៉េចក៏យំចឹង....អ្ហឹក...ហឹុក...បេះដូងខ្ញុំហេតុអីឈឺចាប់ម្ល៉េះណ៎? ហឹុក...ហឹុក...ខ្ញុំខុសអីទៅពូ Yoon បើគ្រាន់តែជូនកាដូពូនោះ? ហេតុអីមិននិយាយស្តីសូម្បីមួយម៉ាត់មករកខ្ញុំ? ហឹុក ...!"។ មិនដឹងថាអារម្មណ៍កម្សួលបុកមកណាដែលធ្វើឲ្យ Jiyou មកអង្គុយឪបខ្លួនហើយយំរហេមរហាមទាំងមិមានរឿងអីសោះ។

ក្នុងដើមទ្រូងគ្រាន់តែតឹងហើយមានអារម្មណ៍ចុកៗត្រង់ដើមទ្រូងខាងឆ្វេងពេលនឹកដល់ទឹកមុខនឹងកែវភ្នែកត្រជាក់នោះសម្លឹងមកនាងហើយជាមួយកម្លាំងដៃវាសថង់កាដូនោះហាក់ដូចនាយកម្លោះចាស់នោះបានយកបេះដូងនាងដែលប្រគល់ឲ្យគេដោយក្តីសង្ឃឹមតែគេយកវាទៅបោកចោលទៅលើដីចឹង។

ភូមិគ្រឹះ Min ...

ពេលនេះនាយសង្ហាវ័យជ្រេនេះក៏បានតែកំពុងអង្គុយលើសាឡុងទទួលភ្ញៀវក្នុងផ្ទះគេដោយស្រងូតស្រងាត់មិនមាត់ក្នុងចិត្តដូចជាកំពុងគិតសញ្ជឹងរឿងរ៉ាវជាច្រើនណាស់ចឹង។

"មិនអាចទេ! លើលោកនេះម៉េចនឹងអាចមាននារីដូចជាគេទៅ? ទេ! ហេតុអីក៏ពួកគេដូចគ្នាយ៉ាងនេះ? ខ្ញុំទទួលយកមិនបានទេ! ហេតុអីក៏លើលោកត្រូវមាននារីម្នាក់ទៀតដូចជា Sumi ?"។ នាយកម្លោះនិយាយម្នាក់ឯងដូចជាច្របូកច្របល់ហើយទឹកមុខគេបង្ហាញពីភាពព្រួយបារម្ភផងនឹងភ័យខ្លាចចផងមិនច្បាស់ថាជាអ្វី។