????????????????? ???????????????? [COMPLETED]

Episode 3

မြင်နေရတဲ့ မျက်နှာလေးက စူပုတ်ပုတ်။သူ့အကြောင်းပြောလို့ စိတ်ကောက်နေသည်ထင်ပါရဲ့။ကိုယ့်ကိုမြင်သည်နှင့် စူထားတဲ့နှုတ်ခမ်းတွေက တင်းတင်းစေ့သွားပြီး မျက်မှောင်တွေပါ ချက်ချင်းကြုတ်သွားသည်။

*ကိုယ့်ကို အဲ့လောက်တောင် ကြည့်မရတာလား။

တည်တံ့ ခပ်တည်တည်ပင် ဝရံတာဘက်ကိုလျှောက်လာရင်း ဝတ်ထားတဲ့ ဘောလုံးအင်္ကျီကို ဆွဲချွတ်ပြစ်လိုက်သည်။လက်မောင်းနှစ်ဖက်အား လက်ဝှေ့သမားတွေလို ကွေးကာ ဘယ်ညာ လှည့်လျက် ဟန်ရေးပြနေလိုက်သည်။

ဒါကိုမြင်တဲ့ မိုးသည်းက ချက်ချင်းအထဲကို ဝင်သွားလေသည်။တည်တံ့ ခပ်ကြိတ်ကြိတ်ရယ်နေမိတာ မရပ်တော့။

တော်သေးတယ် အင်္ကျီလေးပဲချွတ်ပြလို့၊ဘောင်းဘီသာချွတ်ပြလိုက်ရင်ဖြင့်။

အတွေးတွေကို ခါထုတ်ကာ ချွတ်ထားတဲ့အင်္ကျီအား ပခုံးပေါ်တင်ကာ အထဲသို့ပြန်ဝင်လိုက်သည်။

မိုးသည်း ဝရံတာ ဘက်က တံခါးကိုဆွဲပိတ်ကာ လိုက်ကာတွေပါ ချလိုက်သည်။ထွက်နေတဲ့ ဒေါသကြောင့် လူက ဘာလုပ်လုပ် အရာမထင်။

ရေသာ အရင်ချိုးဖို့ ပြင်လိုက်သည်။ပြီးမှ လုပ်စရာရှိတာ လုပ်ရမည်။

##

"အားလုံး ကြားကြားသမျှ
အမျှ အမျှ အမျှ ယူတော်မူကြပါကုန်လော့!"

"သာဓု...သာဓု...သာဓု"

ဘေးအိမ် က ခပ်စူးစူးထွက်လာတဲ့ အမျှဝေသံကြောင့် မိုးသံသာလှိုင် နိုးလာရာနှုတ်မှလဲခပ်တိုးတိုး သာဓုလိုက်ခေါ်နေမိသည်။နာရီအားတစ်ချက်ကြည့်လိုက်တော့ မနက်၅နာရီသာရှိသေးသည်။

နိုးပြီးသွားရင် ပြန်အိပ်မပျော်တဲ့သူမလို့ အိပ်ယာမှထကာ ကိုယ်လက်သန့်စင်ကာ ဘုရားခန်းထဲဝင်သွားလိုက်သည်။မနက်ခင်းအာရုံတက်ချိန်မလို့ မိုးသံသာလှိုင်ရဲ့ ဘုရားရှစ်ခိုးသံက အနည်းငယ်ကျယ်ချင်နေသည်။

တစ်ဖက်အိမ်က ဘုန်းဘုန်းတရားဟောသံကိုပါ မိုးသံသာလှိုင်ကြားလာတော့ ဘုရားစင်ရှေ့ကနေပဲတရားလိုက်နာနေမိသည်။