?????????????????( Pretend To Be Yours)????????? ?( Season 5 (Complete ?)

????? ?? : ?????????? ?????

"បើអូនព្រមត្រឡប់មកនៅក្បែរបងវិញ! រឿងអ្វីក៏ដោយបងសន្យាដែលធ្វើគ្រប់យ៉ាង! ឲ្យតែអូនព្រមមកនៅក្បែរបងម្ដងទៀត! ទៅវិញជាមួយបងទៅណា ម៉ារៀ !"។ គេវិញក៏ព្រមតាមសំណើហើយអង្វរនាងទើប ម៉ារៀ នាងញញឹមចុងមាត់តែក៏ក្រវីក្បាលមុននឹងសម្លឹងគេ។

"សុំទោស ចេវេន ! ខ្ញុំមិនអាចបោះបង់ស្វាមីដែលល្អជាមួយខ្ញុំចោលបានទេ! គេមិនបានខុសហើយគេក៏លះបង់ច្រើនមកលើគ្រួសារខ្ញុំ! ជាពិសេសមកលើខ្ញុំនឹងនៅក្បែរខ្ញុំនៅពេលខ្ញុំមានពេលដែលពិបាកបំផុត!"។ ម៉ារៀ ក៏និយាយបែបនេះធ្វើឲ្យ ខេវេន ប្រែជាស្រឡាំង។

"ទេ!!! បងមិនព្រម! អត់ទេ! អូនត្រូវតែទៅវិញជាមួយបង!!"។ ពេលនេះ ខេវេន ស្ទុះទៅអោបនាងពីក្រោយហើយក៏អូសទាញនាងទើបនាងក្រមុំប្រទាញប្រទោងជាមួយនឹងគេផង រើខ្លួនពីគេផងតែមើលទៅ ខេវេន ហាក់ចុះចាញ់ក៏នៅតែក្រសោបនាងជាប់មិនព្រមដោះលែង។

<ឌឹក>"លែងប្រពន្ធយើងភ្លាមអាចង្រៃ!!"។ ខណៈនោះមិនដឹងជាមានកម្លាំងជើងស្ទុះមកពីខាងណាដែលធាក់ ខេវេន នាំឲ្យគេត្រូវខ្ទាតទៀតទៅម្ខាងទៅដូចជាសំឡីហើយ ម៉ារៀ ក៏ត្រូវដៃក្រាស់របស់បុរសម្នាក់ដែលធាក់ ខេវេន វិញនោះទាញយកឪបនៅក្នុងរង្វង់ដៃជំនួសវិញ។

" មីន !!!"។ ម៉ារៀ ក៏ងាកមុខមើលឃើញថា ជីមីន ដែលពេលនេះគេសម្លក់ ខេវេន ចង់ស្ទុះទៅរកគេវិញដើម្បីថែមមួយដៃទៀត។

"ឯងថ្លើមធំណាស់! ហ៊ានចាប់ប្រពន្ធគេទាំងកណ្តាលថ្ងៃត្រង់បែបហ្នឹងទេ? ហឹក!!"។ នាយកម្លោះក៏ថាឲ្យគេមុននឹងទាញកអាវរបស់ ខេវេន វិញហើយក៏ដាល់នាយមួយដៃហើយមួយដៃទៀតធ្វើឱ្យគេខ្ទាតឈាមនាំឱ្យ ម៉ារៀ ដែលនៅឈរមើលនោះក៏ចូលទៅឃាត់ ជីមីន។

"ប្រពន្ធឯងហេ៎? តែនាងជាមនុស្សស្រីរបស់យើង! យើងមិនឲ្យនាងទៅឯងទេ! អេស!!"។ ខេវេន មិនចុះចាញ់ក៏ធាក់ ជីមីន ធ្វើឲ្យគេដួលមុននឹងសង្រ្គប់មក ជីមីន តែនាយកំលោះក៏ក្រឡាប់ពីលើគេវិញហើយក៏ដាល់គេមិនឈប់ឈរហើយក៏ប្រតែប្រតប់គ្នាទៅវិញទៅមក។

" ខេវេន ឯងឈប់ភ្លាមណា៎!"។ សំឡេងរបស់មនុស្សស្រីម្នាក់មិនដឹងជាបន្លឺមកពីខាងណាទើបគ្រប់គ្នាឈប់វៃហើយ ម៉ារៀ ក៏ងាកមកសម្លឹងនាងដូចគ្នា។

ទឹកមុខស្រទន់តែមានភាពម៉ឺងម៉ាត់របស់គេមើលទៅហ្មត់ចត់ជាខ្លាំងមុននឹងនាងក្រមុំម្នាក់នោះ ក៏បានរត់មកបោះជំហានឈរក្បែរ ម៉ារៀ ហើយសម្លឹងទៅ ខេវេន វិញដោយទឹកមុខកាខតែម្ដង។

<ឌឹក>មិនបង្អង់ពេលវេលាយូរ ជីមីន ក៏ដាល់ ខេវេញ មួយដៃទៀតមុននឹងគេងើបចេញមកហើយ ម៉ារៀ ក៏ភ្ញាក់ផ្អើលមុននឹង ជីមីន ហើយនាងក៏ងាកមកមើលមនុស្សស្រីម្នាក់ដែលសម្លឹងទៅ ខេវេន ។

"អូនមិនអីទេឬ?"។ ជីមីន ក៏សួរនាំ ម៉ារៀ តែ ម៉ារៀ មិនបានមើលគេឡើយព្រោះតែរវល់តែមើលមុខស្រីម្នាក់ដែលកំពុងសម្លឹង ខេវេន នៅពេលនេះ។

"ម៉េចក៏បងមកទីនេះ?"។ ខេវេន ក៏ក្រោកឈរទាំងសភាពពិបាកមុននឹងចងចិញ្ចើមហើយមនុស្សស្រីម្នាក់នោះក៏សម្លឹងគេវិញ។

"បងមកជាមួយនឹងលោក ខាវេនណូ ! ម៉ាទ្រីស ឈឺហើយ! បងចង់ទៅរកគេ! ផ្ដល់កម្លាំងចិត្តអោយគេ!"។ នារីម្នាក់នោះក៏តបមកកាន់ ខេវេន ទើបពេលនោះ ខេវេន ក៏ធ្វើទឹកមុខហាក់ស្រឡាំងកាំងនិងសម្តីនាងតែម្ដង។

"អ្នកនាងត្រូវជាអ្វីនឹង ខេវេន "?។ ម៉ារៀ សួរនាំពេលដែលលឺនារីម្នាក់នេះនិយាយទាក់ទងនឹងបងប្រុសនាងទើបនារីម្នាក់នេះមកសម្លឹង ម៉ារៀ ដោយញញឹម។

"ខ្ញុំគឺជាបងស្រីបង្កើតរបស់ ខេវេន បេនចឺមែន! អូលីវៀ បេនចឺមែន ! គឺជាប្អូនស្រីរបស់ ម៉ាទ្រីស មែនទេ?"។ អូលីវៀ បងស្រីរបស់ ខេវេន ក៏សួរនាំទើប ម៉ារៀ នាងងក់ក្បាលតែក៏ស្រឡាំងកាំងនៅពេលដែលរឿងរ៉ាវក៏ទៅជាបែបនេះ។

"បងចង់ទៅជាមួយពួកគេមែនទេ?"។ ខេវេន ក៏សូមបងស្រីគេហើយ អូលីវៀ ក៏ងក់ក្បាល។

"ទេ! ខ្ញុំមិនព្រមអោយបងទៅទេ!"។ ខេវេន ក៏ស្ទុះទៅចាប់ដៃបងស្រីរបស់គេនាំ ជីមីន ចងចិញ្ចើម។

"ខ្ញុំពឹងបងស្រី អូលីវៀ ហើគ្រប់យ៉ាងគឺត្រូវបានសម្រេចរួចទៅហើយ! មិនមែនឯងមានសិទ្ធិសម្រេចជំនួសគាត់នោះទេ!"។ ជីមីន ក៏ចេញមកនិយាយហើយ អូលីវៀ ក៏ទាញដៃ ខេវេម ចេញមុននិងស្រវាមកចាប់ដៃប្អូនគេវិញ។

"ខេវេន បងត្រូវតែទៅមើល ម៉ាទ្រីស ! គេឈឺហើយ! បងក៏ចង់ដឹងសុខទុក្ខរបស់គាត់ដែរ!"។ អូលីវៀ ក៏និយាយដោយទឹកមុខស្រពោនខណៈ ខេវេន បែជាញញឹមចុងមាត់មុននឹងសម្លឹងមើល ម៉ារៀ ដែលមិនមាត់ក។

"រឺក៏បងភ្លេចហើយថាបងដើរចេញពី ម៉ាទ្រីស ដើយសារតែអ្វី? មិនមែនដោយសារតែគេធ្លាប់ក្បត់បងទេរឺ?"។ សម្តីនេះធ្វើឲ្យ ម៉ារៀ ក៏ភ្ញាក់ផ្អើលហើយ ជីមីន ក៏ភាំងខណៈ អូលីវៀ អោនមកខចុះដផយស្រពោនខុសពី ខេវេន ដែលសម្លឹងមើល អូលីវៀ ដោយមុខមាំ។