?????????????????(???)??

Ep27: ?????

      ជុងហ្គុកបីថេយ៉ុងមកដាក់កូនភូមិគ្រឹះមួយនៅតំបន់ភ្នំ
វារាងត្រជាក់ទើបធ្វើអោយថេយ៉ុងត្រូវអោបខ្លួនបន្តិចក៏ភ្ញាក់បើកភ្នែកមកឃើញជុងហ្គុកកំពុងរៀបចំទូរ។
     "ជុង"
     "អូនភ្ញាក់ហើយ?"
     "ពួកយើងនៅឯណា?"
     "នៅក្បែរជើងភ្នំ"
     "ជើងភ្នំ?រួចចុះ?"
     "ផ្ទះរបស់បង"ជុងហ្គុកញញឹមមុននឹងដើរមករករួចក៏បីថេយ៉ុងទាំងដែលនាងមិនទាន់ត្រៀមខ្លួន។
     "អូនដើរខ្លួនឯងបានបងដាក់អូនចុះទៅ"
     "ទីនេះមានតែយើងពីរនាក់ប៉ុណ្ណោះអូនកុំបារម្ភអី"
     "អូនមិនបានបារម្ភទេតែអូនមិនបានកើតអ្វីទេបងបីអូនធ្វើអី អូនដើរបានតើ"
     "ដល់មុខទ្វារបងដាក់អូនចុះហើយ"នាយញញឹមបីនាងចុះទៅក្រោមសំដៅទៅមុខទ្វារមុននឹងដាក់នាងចុះហើយដើរទៅបើកទ្វារបង្ហាញអោយឃើញទេសភាពសួនផ្កាធូលីបយ៉ាងច្រើនព្រមជាមួយភ្នំនៅក្បែរនេះ គ្រាន់តែឃើញហើយមានអារម្មណ៍ស្រស់ស្រាយខ្លាំងមែនទែន។
      "អូនចូលចិត្តទេ?"ថេយ៉ុងងក់ក្បាលងាកមកញញឹម
ដាក់នាយយ៉ាងស្រស់ដោយការពេញចិត្តពេញទំហឹងរំភើបព្រោះវាហាក់ដូចជាក្តីស្រម៉ៃយ៉ាងចឹង។តើនាយបានទិញវាទុកតាំងពីពេលណា នាយមានអ្វីជាច្រើនស៊ុបប្រាយនាងហើយគ្រប់យ៉ាងនាងសុទ្ធតែពេញចិត្តមិនថាលើកនេះក៏ដោយវាស្រស់ស្អាតខ្លាំងណាស់។
     "នេះអាវក្រៅអូនឆាប់ពាក់ទៅទីនេះត្រជាក់បន្តិចហើយ"ថេយ៉ុងយកមកពាក់យ៉ាងលឿនព្រមទាំងរត់ទៅសួនដោយមិនបាច់អោយនាយនិយាយអ្វីទាន់ទេ។
    "ជុងមកថតរូបអោយអូន"ងាយឯណាបានមកលេងកន្លែងស្អាតៗបែបនេះត្រូវតែថតអោយច្រើនៗ ចៃដន្យជុងហ្គុកដាក់កាំមេរ៉ាធ្វើអោយថេយ៉ុងកាន់តែសប្បាយចិត្ត
អោយនាយថតគ្មានសំចៃដៃទេ។បានឃើញនាងសប្បាយចិត្តបែបនេះនាយក៏សប្បាយចិត្តដូចគ្នា ដោយសារវាចាប់ផ្តើមត្រជាក់ខ្លាំងផ្កាធូលីបចាប់ផ្តើមរីកទើបនាយនឹកឃើញនាំនាងមកលេងតែម្តង។
      "ជុង អូនបេះបានឬអត់?"
      "បានបេះតាមចិត្តអូនចុះ"
      "វាជារបស់បងមែនទេ?"
      "បាទ"នាយឆ្លើយទាំងញញឹមបញ្ចេញស្នាមខួចបន្តិចអោយថេយ៉ុងមានអារម្មណ៍ថាប្តីរបស់នាងសង្ហារខ្លាំងម៉្លេះទេ។
     "ជុងដើរមកនេះ"នាងបក់ដៃហៅនាយអោយទៅជិត
ទើបជុងហ្គុកប្រញាប់ទៅជិតនាងខ្លាចថាត្រូវការអី។
     "ថើបអូន"ជុងហ្គុកស្មានថាមានរឿងអីហើយហៅអោយមកថើបតែប៉ុន្នឹង?
      "សឺត!អូនកើតអី?"
      "ថើបអូនហើយថតរូប"ជុងហ្គុកអស់សំណើចបន្តិចទើបលើកកាំមេរ៉ាមកថតហើយក៏ថើបនាងតាមអ្វីដែលនាងចង់បានហើយថេយ៉ុងក៏ថើបនាយវិញដូចគ្នា។ពួកគេថតរូបជាមួយគ្នាជាច្រើនមុននឹងទៅមើលថ្ងៃលិចជាមួយគ្នាចុងក្រោយក៏ទម្លាក់ខ្លួនគេងក្នុងសួនផ្កាមើលមេឃយ៉ាងមានក្តីសុខមិនខ្វល់ពីអាកាសធាតុដែលចាប់ផ្តើមត្រជាក់ខ្លាំងនៅតំបន់ភ្នំនោះទេ។
      "មានអារម្មណ៍ថាមានក្តីសុខខ្លាំងណាស់"បានគេងកើយទ្រូងអោបនាយណែនដៃទទួលយកភាពកក់ក្តៅបែបនេះមានក្តីសុខដល់ហើយ។
      "អោយតែអូនមានក្តីសុខបងមានក្តីសុខហើយ"ថេយ៉ុងញញឹមអោបនាយណែនដៃសម្លឹងមើលព្រះចន្ទជាមួយគ្នារហូតទាល់តែមួយសន្ទុះធំទើបនាំគ្នាមកផ្ទះវិញ។
      "តើយើងមានអីញាំ?"
      "បងទិញអីមកញាំខ្លះដែរចាំបងធ្វើអីអោយអូនញាំ"
ជុងហ្គុកចាត់ចែងអោយនាងទៅអង្គុយឯនាយជាអ្នកធ្វើម្ហូបអោយនាងញាំ។
       "ទំនងដល់ហើយ"អាកាសធាតុត្រជាក់ជាមួយអាហារក្តៅៗពិតជាអេមខ្លាំងណាស់។
       "ឆាប់ញាំទៅ"ថេយ៉ុងងក់ក្បាលមុននឹងនាំគ្នាញាំយ៉ាងមានក្តីសុខ។ពេលញាំហើយក៏នាំគ្នាងូតទឹកគេងអោបគ្នាមើលរឿងធ្វើមិនដឹង។
      "នេះបងរៀបចំវាទុកមែនទេ?"ដោយសារមើលទៅគ្រប់យ៉ាងហាក់មានការរៀបចំយ៉ាងល្អនាងគិតថានាយច្បាស់ជារៀបចំវាទុកជាមិនខាន។
     "បងរៀបចំទុកស៊ុបប្រាយអូននៅសប្តាហ៍ក្រោយប៉ុណ្ណោះតែដោយសារអូនខឹងហើយមិនដឹងថានាំអូនទៅណាក៏នាំអូនមកទីនេះតែម្តងទៅ"
      "ហេតុអីចាំបាច់ជាអាទិត្យក្រោយ"
      "ព្រោះទាល់តែមួយសប្តាហ៍ទៀតទើបផ្កាធូលីបរីកអស់ហើយស្រុះគ្នា"
      "បានន័យថាពួកយើងមកមុនមែនទេ?"ចឹងតើបានជាមួយចំហៀងទៀតនៅក្រពុំមិនទាន់រីកពេញល្អ"
      "មែនហើយតែបើអូនចង់មើលវារីកស្រុះសប្តាហ៍ក្រោយពួកយើងមកម្តងទៀតឬក៏នៅទីនេះមួយអាទិត្យក៏បាន"
       "នៅមួយសប្តាហ៍ចុះការងាររបស់បង?អូនថាចាំសប្តាហ៍ក្រោយក៏បាន"
       "សឺត!អោយតែអូនចង់ពួកយើងនៅបន្តមួយសប្តាហ៍ទៀតក៏បាន"
       "មិនអីទេមួយសប្តាហ៍យូរដែរ បើធ្វើការប្រហែលជាចំណេញជាង"
      "បងសម្រេចលើអូន"
      "ចាំសប្តាហ៍ក្រោយចាំមកម្តងទៀត"
     "បាទសឺត"
     "មួយរយៈនេះអូនឃើញអ្នកគ្រូយ៉ុនសុនមានអ្នកមកទទួលរហូត"
      "មែនហ្ហេស?បងមិនដែលបានចាប់អារម្មណ៍"
     "បងដឹងទេអ្នកគ្រូយ៉ុនសុនធ្លាប់ហៅអូនទៅនិយាយជាមួយសួរនាំពីមនុស្សស្រីដែលបងស្រលាញ់"
    "ចុះអូនឆ្លើយថាយ៉ាងមិច?"
     "អូនចេះតែឆ្លើយស្របជាមួយសំណួរដែលគាត់បានសួរ"
     "អូនមិនបានប្រាប់ទេឬថាម្នាក់នោះជាអូន"
     "អូនមិនបានប្រាប់ទេគ្រាន់តែអោយគាត់ចាំមើល"
     "ក្បាលខូចមិនខ្លាចនាងខឹងអូនទេឬ?"
     "ខឹងអីគាត់គួរតែភ័យខ្លួនដែលធ្វើអោយអូនដឹងថាគាត់ស្រលាញ់ស្វាមីរបស់អូន"
      "បើអូនមិនប្រាប់នាងមិចនឹងដឹង"
      "បើអូនប្រាប់គាត់ហើយគាត់ទៅប្រាប់មិត្តគាត់នោះច្បាស់ជាល្បីមួយសាលាមិនខានហើយពេលនោះសិស្សស្រីៗដែលស្រលាញ់បងមករករឿងអូនមិនខាន"
      "បងគិតថាអូនមិនអោយគេរករឿងបានទេ"
      "ត្រូវហើយ!ប្តីអូនជារបស់អូនពួកនាងគ្មានសិទ្ធមកហួងហែងបងជាមួយអូនទេ!"ពេលនេះទើបដឹងប្រពន្ធនាយមិនធម្មតាឃើញនៅសាលាធម្មតាៗតែធាតុពិតមិនធម្មតាទេ។
      "ហឹសៗបើអ៊ីចឹងបង្ហាញតែម្តងទៅថាពួកយើងជាប្តីប្រពន្ធ"
      "បងមិនខ្លាចគេនិយាយថាបងយកកូនក្មេងធ្វើប្រពន្ធទេហ្ហេស?"មិនខ្លាចគេគិតថាគោចាស់ចង់ស៊ីស្មៅខ្ចីទេឬ?
      "វាជាការពិតខ្មាសអីទៅ?"
      "អូនថាកុំទាន់អីចាំអូនរៀនជិតចប់សិនទៅ"នាងមិនចង់អោយអ្នកណាមកនិយាយបែបហ្នឹងមិនថាចំពោះនាងឬក៏នាយនោះទេចំណែកជុងហ្គុកនាយយល់ទើបទាញនាងមកអោបណែនជាងមុនរួចក៏ថើបនាងខ្សឺតរួចក៏នាំគ្នាបិទភ្នែកគេង។

     កន្លងទៅមួយសប្តាហ៍ជុងហ្គុកក៏នាំនាងមកម្តងទៀត
ចំណាយពេលនៅទីនោះជាមួយគ្នាយ៉ាងមានក្តីទើបនាំ
នាងទៅអាមេរិកជួបម៉ាក់របស់នាងរួចក៏នាំគ្នាមកគោរពផ្នូរ
លោកប៉ាជាមួយគ្នា។
      "បងសុខសប្បាយទេ?ថ្ងៃនេះអូននាំកូននិងស្វាមីរបស់គេមកគោរពផ្នូរបងជាមួយគ្នាតើបងសប្បាយចិត្តទេ?"គាត់ដាក់ផ្កាមុននឹងប៉ះផ្លាកផ្នូរទាំងញញឹមស្រាល
      "ខានជួបគ្នាយូរហើយលោកប៉ា"ថេយ៉ុងដាក់ផ្កាមុននឹងញញឹមនិយាយទាំងរលីងរលោង
      "សួស្តីលោកពូ"ជុងហ្គុកដាក់ផ្កាមុននឹងក្រសោបស្មា
ថេយ៉ុងដែលអោនសម្លឹងផ្នូរគាត់យ៉ាងយូរ
      "កូនស្រីបងមានអ្នកមើលថែបន្ទាប់ពីបងហើយណា
បងឈប់បារម្ភបានហើយ"
      "ខ្ញុំសន្យាថានឹងមើលថែនាងអោយបានល្អលោកប៉ាកុំបារម្ភអី"
      "បងឮទេ?បងអាចសម្រាកដោយស្ងប់សុខបានណា កូនពួកយើងមានមនុស្សល្អមើលថែហើយ"អ្នកទាំងបីគោរពផ្នូររួចក៏នាំគ្នាទៅញាំអីជុំគ្នាហើយក៏បន្តទៅដើរលេង
ចាត់ទុកថាជា Honeymoon របស់ពួកគេក្រោយចុះអេតស៊ីវិលទៅចុះ។
    

អេតមីនបញ្ចប់វាលឿនព្រោះបើទុកទៀតមិនដឹងថាបានបញ្ចប់ឬអត់ព្រោះតទៅអេតមីនជាប់រៀនត្រៀមប្រឡងចេញនៅខែក្រោយអាចថាគ្មានពេលតែម្តងហេតុនេះឆ្លៀតបញ្ចប់អោយហើយ🖤
Waiting for the last part~~~~
សរសេរដោយ៖ រ៉ាជេក៍🤍