??????????Alpha?[SUNSUN]

"ហេ ស៊ុននូ.....ស៊ុននូ...."

ស៊ុននូមានអារម្មណ៍ញ័រនិងស្ពឹកនៅលើស្មារបស់គេនៅពេលគេបើកភ្នែកមកយឺតៗ។ បើកភ្នែកឡើងមកអ្វីដែរឃើញមុខគេនោះគឺនីគីកំពុងតែនៅជិតគេនិងញញឹមយ៉ាងស្រស់មកកាន់គេ។

"ភ្ញាក់ឡើង អនុរក្សព្រៃកំពុងហៅពួកយើងឲ្យចេញទៅក្រៅដើម្បីញុំអាហារពេលព្រឹក តោះទៅ!"

ស៊ុននូច្របូកច្របល់ណាស់ គេ​បាន​មើល​ជុំវិញ​ខ្លួន ហើយ​បាន​ឃើញ​ខ្លួន​ឯង​ដេក​លើ​ពូក​បណ្ដោះ​អាសន្ន​នៅ​ក្នុង​តង់​របស់​ពួកគេ។

តើគេបានមកដល់ទីនោះដោយរបៀបណា?

"នី....នីគី តើខ្ញុំត្រលប់មកទីនេះបានយ៉ាងមិច?" ស៊ុននូសួរទាំងច្របូកច្របល់និងងឿងឆ្ងល់ខ្លាំងណាស់។

"ឯងចង់មានន័យមិចនឹង? តើឯងកំពុងដេកយល់សុបិន្តមែនទេ?" នីគីសើចបន្តិចចំពោះសំណួររបស់ក្មេងតូច

"ទេ...អត់ទេ ខ្ញុំចង់មានន័យថា... ខ្ញុំបានបាត់ទៅនៅកន្លែងណាមួយនៅក្នុងព្រៃកាលពីយប់មិញ! ហើ...ហើយខ្ញុំបានឃើញអ្វីមួយដែលមិនអាចពន្យល់ប្រាប់បានទេ ហើយបន្ទាប់មកខ្ញុំត្រូវបានគេខាំនៅទីនេះ! នេះ!"ស៊ុននូបង្ហាញស្នាមនៅលើកញ្ចឹងក និងស្មារបស់គេដើម្បីបង្ហាញថាសញ្ញាសម្គាល់នេះវាបានកើតឡើងកាលពីយប់មិញចំពោះគេ។

"ហើយ​ខ្ញុំ​មិន​ដឹង​ថា​ត្រូវ​ត្រឡប់​មកវិញ​យ៉ាង​ណា​ទេទើប​ខ្ញុំ​ចេះតែដើរៗ​ទៅ ​តែ​ឥឡូវ​នេះ​ខ្ញុំ​នៅ​ទី​នេះ?! តើខ្ញុំត្រលប់មកវិញបានយ៉ាងមិច?! " គេនិយាយ​ទាំងទឹកមុខ​​ភិតភ័យ។

នីគីសម្លឹងមើលទៅស៊ុននូ មុខរបស់គេព្យាយាមទប់សំណើចណាស់តែទប់មិនជាប់នោះទេ។

"ហាសហា-ហាហាហាហាហាហាហាហា!!"

គេសើចខ្លាំងៗ រាងកាយរបស់គេកំពុងញ័រដោយការសើចហើយ ខណៈដែលទឹកភ្នែកនៃភាពរីករាយចាប់ផ្តើមស្រក់ចេញពីភ្នែករបស់គេផងដែរ គេ​ក្តាប់​ពោះខ្លួនឯង​ដោយ​មាន​អារម្មណ៍​ឈឺ​ពោះ​ព្រោះតែ​សើច​ខ្លាំង​ពេក។

"អូ!ព្រះជាម្ចាស់ ស៊ុននូ! តើឯងកំពុងនិយាយអ្វី? តើឯងនៅតែសុបិនមែនទេ?" នីគីជូតទឹកភ្នែកដោយព្យាយាមទប់ខ្លួនពីការសើចម្តងទៀត។