??????????Alpha?[SUNSUN]

"ស៊ុននូហា៎ កូនរៀបអីវ៉ាន់ហើយនៅ?"

"បាទ ម៉ាក់ ខ្ញុំរួចរាល់ហើយ" គេបានពិនិត្យរបស់របររបស់គេម្ដងទៀត ដើម្បីប្រាកដថាគេមានសម្លៀកបំពាក់គ្រប់គ្រាន់សម្រាប់រយៈពេលមួយសប្តាហ៍។

វាមានរយៈពេល 3 សប្តាហ៍ហើយចាប់តាំងពីថ្ងៃបញ្ចុះសពលោកយាយ ហើយលោកគីមក៏បានត្រឡប់ទៅរស់នៅជីវិតធម្មតារបស់ពួកគេនៅឯទីក្រុងរួចដូចគ្នា
លើកលែងតែស៊ុននូ អស់​រយៈពេល​មួយ​សប្តាហ៍​កន្លង​មក​នេះ ចិត្ត​របស់​គេផ្តោត​តែ​លើ​រឿង​មួយ​ប៉ុណ្ណោះ។

«ស្វែងរកគាត់»

ភ្នែក​របស់​គេ​សម្លឹងទៅ​លើ​សៀវភៅ​កត់ត្រា​ពណ៌​ខៀវ​នៅលើ​កាបូប​ដែល​លាក់​ក្រោម​សម្លៀក​បំពាក់ និង​របស់របរ​ផ្សេង​ទៀត។

ស៊ុននូបានអានគ្រប់រឿងទាំងអស់ ទោះបីជាខ្លឹមសារនោះមិនមែនសម្រាប់គេក៏ដោយ។ វា​ជា​ដំណឹង​មរណភាព​របស់​យាយ​គេសម្រាប់​បុរស​ដែលស៊ុននូត្រូវ​ការ​ស្វែង​រកនៅពេលនេះ គេត្រូវតែផ្តល់ដំណឹងនេះទៅកាន់បុរសនោះឲ្យបានដឹងពីការបាត់បង់មួយនេះ។

"តើកូនទៅនៅជាមួយនីគីនៅឯណា?"

ស៊ុននូធ្វើ​ពុត​ជា​រវល់​មើល​របស់របរ​ខ្លួន​ហើយ​បែរ​មុខ​ទៅ​រក​ម្ដាយ​វិញ។

"នៅផ្ទះលោកពូណា ម៉ាក់" ស៊ុននូមិន​ចង់​ជួប​នឹង​ភ្នែក​ម៉ាក់គេ​ទេ ខ្លាច​គាត់ឃើញ​ការ​កុហក​របស់​គេនៅពេលនេះ។

ស៊ុននូបានខាំបបូរមាត់ខាងក្រោមរបស់គេយ៉ាងខ្លាំង គេមិនចង់កុហកម៉ាក់របស់គេទេ ទោះជាយ៉ាងណាក៏ដោយគេនៅតែមិនមានលេសអ្វីផ្សេងទៀតក្រៅពីនេះនោះទេ ដោយដឹងច្បាស់ថាគាត់នឹងមិនអនុញ្ញាតឱ្យគេទៅឡើយប្រសិនបើគេនិយាយការពិតចេញមកនោះ។
ថ្ងៃឈប់សម្រាកចាប់ផ្តើមមកដល់ ស៊ុននូប្រើឱកាសនេះដើម្បីត្រឡប់ទៅផ្ទះយាយរបស់គេវិញ ដោយសង្ឃឹមថានឹងឃើញគាត់នៅទីនោះ។

គេបានសុំម៉ាក់របស់គេទាំងចិត្តរៀងស្ទាក់ស្ទើរបន្តិចដែរព្រោះគេមិនបានប្រាប់ការពិតទៅគាត់ទេថាគេទៅណានោះទ ដោយលើកយកនីគីជាអាងថាទៅវិស្សមកាលជាមួយនីគីនិងឲ្យគាត់បញ្ចុះបញ្ចូលឲ្យម៉ាក់របស់គេយល់ព្រមផងដែរ។