??????????Alpha?[SUNSUN]

?????????Alpha ????26

"អ៎ មិនអីនោះទេ យើងពិតជាចង់ដឹងណាស់ថាតើនារីប្រភេទណាដែលធ្វើឲ្យលោកចាប់អារម្មណ៍លើនាងម្តងទៀតនោះ" Eunwooបាន​បន្ថែម​ជាមួយសំឡេង​ពោរពេញ​ដោយការ​ចាប់​អារម្មណ៍។

Mingyu ក៏ងក់ក្បាលយល់ស្រប់តាមការនិយាយរបស់Eunwoo "ខ្ញុំពិតជាភ្ញាក់ផ្អើលណាស់នៅពេលដែលលឺថាលោកមានគូរmateថ្មីដែលអាចមកជំនួសជីអ៊ុនបានខ្ញុំតែងតែគិតថាប្រហែលគ្មានអ្នកណាអាចមកជំនួយនាងបាននោះទេ"

ដៃរបស់សុងហ៊ុនកោងចូលទៅក្នុងកណ្តាប់ដៃខណៈដែលគេខំប្រឹងគ្រប់គ្រងអារម្មណ៍របស់គេនៅពេលដែលនិយាយអំពីឈ្មោះអតីតគូរស្នេហ៍របស់គេ។ គេញញឹមចេញមកទាំង​បង្ខំ​មុន​នឹង​ប្តូរ​ប្រធានបទទៅនិយាយរឿងអ្វីផ្សេងពីនេះ។

"Mingyu ដែនដីរបស់លោកយ៉ាងម៉េចហើយ? ខ្ញុំបានលឺថាក្រុមពួក rogues ប៉ុនប៉ងវាយប្រហារមែនទេ?" សុងហ៊ុនសួរពេលគេកំពុងរៀបចំញាំអាហារដែលនៅក្នុងចានរបស់គេ។

Mingyu គ្រវីក្បាលជាការឆ្លើយតប"យើងមានសំណាងណាស់ក្នុងការទប់ស្កាត់ភាពចលាចលបែបនេះ អរគុណអ្នកទាំងពីរនេះដែលបានជួយ"គេនិយាយព្រមទាំងសម្លឹងទៅអ្នកទាំងពីរនាក់ដែលអង្គុយនៅក្បែរគេ។

"ពួកគេពិតជាលឿនណាស់ក្នុងការជួយយើងក្នុងគ្រាអាសន្នបែបនេះ" Mingyu បន្ត

"នេះជា​ដំណឹង​ដ៏​ល្អណាស់ដែលគ្មាននរណាកើតអី" សុងហ៊ុន

"ពួក​ rogues ទាំង​នោះ​ពិត​ជា​វាយ​ប្រហារ​ស្ទើរ​តែ​គ្រប់​ដែនដីហើយសព្វថ្ងៃនេះចឹងពួកយើងត្រូវតែប្រុងប្រយ័ត្ន" ជុងវ៉ុនបានបញ្ចេញមតិ

Eunwoo ហៀបនឹងនិយាយឡើងទ្វារស្រាប់តែបើកឡើងបង្ករឲ្យអ្នកគ្រប់គ្នាបែរមុខទៅមាត់ទ្វារសម្លឹងមើលនារីម្នាក់ដែលដើរចូលមកទាំងស្ទាក់ស្ទើរនៅក្នុងចិត្តហាក់គ្មានភាពក្លាហានទាល់តែសោះ។
បុរសៗដែលនៅក្នុងបន្ទប់មើលទៅតាមចលនារបស់នាងយ៉ាងស្ងៀមស្ងាត់គ្មាននរណាម្នាក់និយាយពាក្យអ្វីចេញមកឡើយខណៈដែលពួកគេសម្លឹងមើលទៅនាង។

នាង​មាន​សក់​ពណ៌ទង់ដែង​ដែល​វែង​ជិត​ដល់​ចង្កេះទម្លាក់សក់ខាងបន្តិចបិទបាំងមុខ​តូច​របស់​នាង​ដែល​គេ​មើល​មិន​ឃើញ​ទាំង​ស្រុងនោះទេ​ព្រោះ​នាង​សម្លឹងមើល​ទៅ​ក្រោមមិនហានសូម្បីងើបមុខឡើង។ រូបរាងដ៏តូចរបស់នាងត្រូវបានរំលេចដោយរ៉ូបពណ៌សសាមញ្ញជាមួយនឹងការរចនាផ្កាដ៏ធំនៅចំកណ្តាលរ៉ូបត្រឹមតែពីលើជង្គង់របស់នាងបន្តិចដែលបង្ហាញឲ្យឃើញជើងដ៏ស្រឡូននិងស្បែកសថ្លាដូចព្រិលមួយគូរនោះ។

ចលនារបស់នាងយឺតៗនៅតែមានអារម្មណ៍ថាភ័យនៅពេលនាងដើរទៅជិតតុដែលមានមនុស្សអង្គុយជាច្រើននាក់ ភ្នែកនាងនៅតែសម្លឹងមើលទៅលើឥដ្ឋមិនឈប់។ នាងបានឈប់រយៈនៅចម្ងាយដែលគិតថាសុវត្ថិភាព មុនពេលដែលនាងមានភាពក្លាហានងើបមុខឡើង។
នាង​ងើប​ក្បាល​យឺតៗហើយ​អ្នក​រាល់​គ្នា​ប្រហែល​ជា​ទប់​ដង្ហើម​ពេល​មាន​ឱកាសដើម្បីសិក្សាមុខ​របស់​នាងឲ្យបានច្បាស់។

នាងមានភ្នែកពណ៌ត្នោតធំៗទម្រង់សត្វកញ្ជ្រោងនិងបបូរមាត់ក្រហមដូចផ្លែឈែរីជាមួយថ្ពាល់ប៉ោងៗម៉ត់រលោងពណ៍ក្រហមព្រឿងៗដែលបង្ហាញពីភាពស្រស់ស្អាតនៅលើផ្ទៃមុខធ្វើឱ្យបុរសៗដែលបានឃើញលង់ជាមួយនឹងភាពល្អគ្មានទាស់មួយនេះដោយហាមមិនបាន។

ពាក្យ​មួយ​ម៉ាត់​ដែលក្នុង​ចិត្ត​មនុស្ស​ប្រុស​នៅក្នុង​បន្ទប់ដែលបានគយគន់ហើយនោះគឺ៖

ស្រស់ស្អាត

ហើយ​ឥឡូវ​គេ​មិន​អាច​បែងចែក​បានទេថា​មួយ​ណា​ជា​ផ្កាពិតប្រាកដនោះ ផ្កាដែលរចនាលើ​សម្លៀក​បំពាក់ឬ​ជាមនុស្សដែលនៅចំពោះមុខ។

————————

Love you 😘

By:Mey Sy