??????????Alpha?[SUNSUN]

?????????Alpha ????29

អាល់ហ្វាបានបោះជំហានឆ្ពោះទៅរកពួកគេ កែវភ្នែកនឹងថ្កល់សម្លឹងមុតមិនដកជាមួយស្នាមញញឹមសមចិត្តមើលទៅពួកគេពេលនេះទៅមើលថាដូចជាអ្វី? វាប្រៀបដូចជាសត្វឆ្កែអាណាថាបីក្បាលដែលត្រូវគេអូសចេញពីវិមានទាំងមានសភាពមើលមិនយល់។

" ចាំ​កិច្ច​ព្រម​ព្រៀងហើយមែនទេ​?ឆាប់ចេញទៅកុំឲ្យយើងចិត្តអាក្រក់ជាងនេះ យើងសង្ឈឹមថាពួកឯងនិងមិនត្រឡប់មកម្តងទៀតទេ បើមិនចឹងកុំថាយើងមិនបានប្រាប់" សុងស៊ុនព្រមានទៅកាន់អ្នកទាំងបីដែលកំពុងតែឈរសម្លក់ទៅគេទាំងក្តៅងំក្នុងទ្រូងទាំងមិនអាចនិយាយអ្វីបានក្រៅពីដើរចេញទាំងកំហឹងក្តៅងំនៅកកនិងទ្រូង។

Jaehyun, Mingyu និង Eunwoo ចាប់ផ្តើមដើរចេញដោយកណ្តាប់ដៃរបស់ពួកគេបានកោងចូលគ្នាយ៉ាងណែន ពួកគេនៅតែមិនអាចទទួលយកបរាជ័យលើកនេះបានទេ។

នៅ​ក្បែរ​មាត់​ទ្វារ​ស៊ុននូកំពុងតែ​សង្កេត​មើល​ទិដ្ឋភាពរវាងពួកអ្នកទាំអស់នោះ​យ៉ាង​ស្ងៀម​ស្ងាត់។ គេមាន​អារម្មណ៍​ធូរស្រាល​ពេល​ដែលសុងហ៊ុនបានបណ្តេញបុរសបីនោះចេញ។

មុននឹងចាកចេញJaehyun ងាកក្បាលទៅក្រោយសម្លឹងមើលទៅក្មេងដែលមានសក់ទង់ដែងកំពុងតែលួចមើលការចាកចេញរបស់ពួកគេ។ ភ្នែក​ក្រហមឆ្អៅពេញដោយសារកំហឹងគុំគួនកំពុងតែបាញ់ឆ្ពោះទេអ្នកដែលលប់លួចមើលគេ ខណៈ​កែវភ្នែកពេញដោយកំហឹងមួយគូរនោះប្រែទៅជាមានល្បិចបូករួមជាមួយស្នាមញញឹមដ៏អាក្រក់នៅលើផ្ទៃមុខជាហេតុធ្វើឲ្យអ្នកដែលបានឃើញហើយប្រែជាភ័យញ័រខ្លួនមួយរំពេច។

កែវភ្នែកអាក្រក់នោះមើលមកគេទាំងព្យាបាទហាក់ដូចជាមានគំនិតមិនល្អតាមក្រសែភ្នែកមួយគូរនោះដែលធ្វើឲ្យស៊ុននូឈានជើងថយក្រោយទាំងភិតភ័យ ជើងរបស់គេញ័រនៅពេលដែលបុរសនោះសម្លឹងមកគេ។ គេងាក​មក​វិញ​យ៉ាង​លឿន​ទាំងចលនាប្រញេប​ប្រញាប់​ចូល​ទៅ​ក្នុង​ប្រាសាទវិញដោយមិនភ្លេចបិទទ្វានោះទេ។

Jaehyun ញញឹមនៅពេលពួកគេបន្តចាកចេញពីដែនដីមួយនេះ នៅពេល​គេ​មកបានឆ្ងាយបន្តិច​Eunwoo បានប៉ះស្មារបស់គេហើយក៏និយាយឡើង៖

"តើ​យើង​នឹង​ទទួល​ស្គាល់​ការ​បរាជ័យទាំង​បែប​នេះ​ឬ​?"
កំហឹង​នៅ​ក្នុង​សំឡេង​របស់​គេបញ្ជាក់យ៉ាងច្បាស់ខណៈ​ដែល​គេនិយាយ​ពាក្យ​ទាំង​នោះចេញមកJaehyun ញញឹមចុងមាត់ដាក់ហើយងាកមកមើលអ្នកទាំងពីរ។