«ម៉េចក៏ទៅជាបែបនេះ?»
«មានអ្នកចង់ធ្វើបាបពួកយើងហើយចៅហ្វាយ!!»
«ប្រហែលហើយ កុំវាយស្មៅបង្អើលពស់ ទុករឿងនេះយើងជាអ្នកចាត់ការ!!»ជុងហ្គុកឱនខ្សឹបអ៊ំជុនបំណងមិនចង់ឲ្យអ្នកផ្សេងលឺ នាយគិតថាក្នុងចំណោមនេះអាចមានជនបន្លំខ្លួនក៏ថាបាន!!
«បាទចៅហ្វាយ!!»
«បំបែកគ្នាត្រឹមនឹងចុះ!!» ថារួចនាយក្រាស់ក៏ត្រឡប់ទៅផ្ទះវិញ នាយបារម្ភពីនាយតូចមិនចង់ទុកគេឲ្យនៅតែម្នាក់ឯង ចំណែកអាយ៉ុនមិនព្រមទៅណានៅតោងដៃនាយស្អិត ។
«ពួកឯងបំបែកគ្នាបានហើយ!!» អ៊ំជុនស្រែកបញ្ជាឲ្យបំបែកគ្នាធ្វើការ ព្រមទាំងគាត់ផងដែរ ដែលត្រូវធ្វើការដូចគ្នា ពោលគឺមើលការខុសត្រូវលើទំពាំងបាយជូរទាំងអស់ដែលបេះបានគ្រប់ចំនួនឬក៏អត់។
#Night
ក្រោយពីកម្មករទាំងអស់សម្រាកពីការងារ ថេយ៉ុងឆ្លៀតមកលេងពួកគេបន្ទិច ជាពិសេសក្រុមមនុស្សស្រីដែលបេះទំពាំងបាយជូរជាមួយគេកាលពីព្រឹក។ គេចង់មកអរគុណដែលជួយគេកាលនោះ បើគ្មានពួកគាត់ទេ សង្ស័យគេត្រូវមាត់ជាមិនខាន។ រាងតូចដើរលបៗព្រោះមិនចង់ឲ្យនាយក្រាស់ដឹង ចំណែកជុងហ្គុកនៅក្នុងបន្ទប់ទឹកមិនបានដឹងសោះថាមនុស្សរបស់នាយលួចចេញទៅដើរលេង។ ចម្ងាយពីកន្លែងគេស្នាក់ទៅកន្លែងកម្មករមិនសូវជាជិតនោះទេ មុនទៅដល់រាងតូចត្រូវដើរកាត់ជួរទំពាំងបាយជូរ ទើបផុតបានមកដល់កន្លែងកម្មករសម្រាក។ ថ្មើរនេះម៉ោងទើបតែ6តែដោយសារជាតំបន់ព្រៃទើបឃើញដូចយប់ម៉ោង8អញ្ចឹង!! ថេយ៉ុងដើរទាំងព្រឺសម្បុរតិចៗ ក្នុងដៃមានទូរស័ព្ទមួយទុកបញ្ចាំងពិលតែដោយសារគេខ្លាចតុកកែទើបបិទវិញស៊ូដើររាវដូចមនុស្សមើលមិនឃើញ។
«ងងឹតណាស់!!» រាងតូចដើរបណ្តើររអ៊ូបណ្តើរ វិនាទីបន្ទាប់ក៏លឺសម្លេងចម្លែកដែលនៅមិនឆ្ងាយពីគេប៉ុន្មាន។ គេប្រុងនឹងរត់តែដោយសារវាជាសម្លេងមនុស្សទើបគេលែងភ័យវិញ ព្រោះមនុស្សនៅទីនេះសុទ្ធតែជាកូនចៅនាយក្រាស់ទាំងអស់គ្មាននរណាចិត្តអាក្រក់ឡើយ។
«ធ្វើឲ្យលឿនបន្ទិចទៅប្រយ័ត្នគេមកឃើញ!!»
«ពួកគេធ្វើអីនឹង?»ថេយ៉ុងប្រញាប់ដើរទៅជិតបន្ទិច ទោះបីងងឹតបន្ទិចតែគេមើលឃើញច្បាស់ព្រោះនៅជិតបង្កើយមិនដល់១០ជំហានពីគ្នា។ មានបុរសពីរនាក់ ក្នុងដៃមានកាន់ធុងថ្នាំគីមី កំពុងបាញ់ទៅលើទំពាំងបាយជូរដែលកំពុងទំយ៉ាងស្រស់។ ពួកគេបិទមុខជិតឈឹងមិនអាចឲ្យរាងតូចចំណាំបាន តែគេសម្គាល់ឃើញថាពួកនាយមានមាឌធំៗ ព្រមទាំងសក់វែងលប់ស្លឹកត្រចៀក ដែលអាចចំណាំបានខ្លះដែរ។
ក្រឹបៗ.....
«ស៊យហើយ!!»
សូមរងចាំភាគបន្ត_______
Good night all love អេតមីនទើបមកពីចាក់ថ្នាំ រាងងងុយដេកហើយ😞
?????:??????????????????????!!
Start from the beginning
