??????????????

-៣ថ្ងៃក្រោយមក
ថេយ៍ហ្គុកបណ្តើរគ្នាចូលមក ក្នុងចម្ការទំពាំងបាយជូរ ដើម្បីប្រមូលផ្លែផ្កា នៃកសិកម្មមួយនេះ។ តាមផ្លូវ ជុងហ្គុក តាមខ្វាយខ្វល់ ពីថេយ៉ុងណាស់ ដើរបាំងពន្លឺថ្ងៃខ្លាចអូនក្តៅ អូនពិបាក ចំណែកឯដៃកាន់បញ្ជី÷

"លោកប្រុសជុងហ្គុក មើលទៅស្រលាញ់ប្រពន្ធណាស់ ដើរបាំងថ្ងៃឱ្យប្រពន្ធរហូតម៉ងហើយ"កម្មករ

"ហាសហាស តែយើងថាខ្លាចប្រពន្ធត្រូវជាង"

"ពួកឯងនេះ ចេះតែថាម៉ងហាស៎!!"
អ្នកកម្មករនាំគ្នា សើចកក្អឹក និយាយដើមចៅហ្វាយ។

=====
-រសៀល!!
បន្ទាប់ពី ដើរមើលដំណាំផ្លែឈើ រួចហើយជុងហ្គុកឌុបថេយ៉ុងមកវិញ។ តាមផ្លូវមានអ្នកភូមិជាច្រើន រុះរាយរាក់ទាក់ និង សំណេះសំណាលជាមួយ ពួកគេដំបូងឡើយថេយ៍មិនចូលចិត្តទេ តែយូរៗ ក៏សាកបើកចិត្តមានណា មានញាតិអស់មួយភូមិ អ្នកដែលមិនចូលចិត្តក៏ប្រែប្រួលមកជាចូលចិត្តគ្រប់ៗគ្នា។
ជុងហ្គុកញញឹមបិទមាត់មិនជិតព្រោះ ថេយ៍ផ្តើមបើកចិត្ត និយាយរាក់ទាក់ជាមួយនឹងញាតិមិត្តវិញ÷

"ជូលីស!! ថ្ងៃនេះមាន ម្ហូបអ្វី??"ឈប់ម៉ូតូមិនទាន់ ប៉ុន្មានផង ថេយ៍រត់ប្រូចទៅសួរ ក្មេងក្នុងផ្ទះ។ ដំបូងជូលីស ភ្ញាក់បើកភ្នែកសម្លឹងមើលថេយ៉ុងភ្លឹសៗ គិតឆ្ងល់ក្នុងចិត្តថា{ថ្ងៃនេះទេវតាខាងណាចូលសន្ធិតក្នុងខ្លួនរបស់អ្នកប្រុសដ៏ឆ្នាស់ មិនរាប់ញាតិម្នាក់នេះ}

"គឺ-ស៊ុបសណ្តែត បាយឆាគីមឈី ស៊ុបគឹមឈី ខជើងជ្រូក ស៊ុបសារាយ ណាចាស៎..អ្នកប្រុសថេយ៍"ជូលីស និយាយបានដើររៀបរាប់ដៃជើងបណ្តើរ ឡើងគួរឱ្យស្រឡាញ់។ ថេយ៍ងក់ក្បាលតិចៗ បែបយល់ ហើយក៏ដើរចូលផ្ទះបាយ ជូលីស នឹងជុងហ្គុក សម្លឹងមើលគ្នាម៉ក់ៗ បែបភ្ញាក់ផ្អើល។

"ថេយ៍ ចង់ធ្វើអ្វីឬ??"ជុងហ្គុក ដើរមកសួរប្រពន្ធដោយការចង់ដឹង

"ធ្វើម្ហូបពីរមុនទៀតឱ្យប្តីញ៉ាំ"រាងតូច តបខ្លីៗ។ តែពាក្យខ្លីៗទាំងនេះធ្វើឲ្យ ជុងហ្គុកជាមួយជូលីសបើកភ្នែកធំៗ ស្ទើរតែមិនជឿនិងត្រចៀក ថាថេយ៍ចូល ផ្ទះបាយធ្វើម្ហូបឱ្យខ្លួនញ៉ាំឡើយ ហើយចិត្តមួយទៀតក៏រំភើបញាប់ញ័រ ផងដែរ។