#ក្រុមហ៊ុនរេនដូគ្រុប
« ច្បាស់ណាស់ចៅហ្វាយ ត្រានេះជាត្រារបស់ក្រុមហ៊ុនយើងពិតមែន!!»ហ្យុនជីនហុចក្រដាស់មួយសន្លឹកដែលមានវាយត្រារួចជាស្រេចនៅលើនោះ។ ក្រដាស់មួយសន្លឹកនេះគឺជាកិច្ចសន្យាលក់រូបមន្តស្រាទំពាំងបាយជូរឲ្យទៅក្រុមហ៊ុនដទៃ។
«តែយើងមិនបានលក់ទេ!!>>ជុងហ្គុកទទួលយកមកមើល ឃើញថាពិតមែន តែនាយមិនបានធ្វើ ច្បាស់ជាមាននរណាម្នាក់បន្លំត្រារបស់នាយហើយ!!
«គ្មានអ្នកណាជឿទេចៅហ្វាយ បើច្បាស់យ៉ាងនេះទៅហើយ គ្រប់គ្នាច្បាស់ជាគិតថាចៅហ្វាយលក់រូបមន្តមិនខាន!!»
«ឯងក៏មិនទុកចិត្តយើងដែរ?»នាយក្រាស់សម្លឹងមុខចំណិតដោយការអន់ចិត្ត ត្បិតជាកូនចៅស្និទ្ធស្នាលបំផុតក៏មិនទុកចិត្តនាហដែរ អញ្ចឹងឲ្យនាយរំពឹងអីទៅ។
«ខ្ញុំមិនដែលសង្ស័យចៅហ្វាយទេ តែអ្វីដែលសំខាន់គឺត្រូវរកភស្តុតាងឲ្យបានសិន!!»
«អឺម...!!»នាយងក់ក្បាលស្របតាម តែភ្នែកនៅសម្លឹងក្រដាស់មួយនោះមិនឈប់ កុំឲ្យដូចអ្វីដែលនាយសង្ស័យឲ្យសោះ ក្នុងនាមជាម្ចាស់ភាគហ៊ុន៥០ភាគរយ ម៉េចនឹងអាចអាត្មានិយមលក់ឆ្នាំងបាយខ្លួនឯងនោះ ច្បាស់ជាមានអ្នកចង់ធ្វើបាបនាយជាមិនខាន។
«ចៅហ្វាយសង្ស័យអ្នកណាដែរ!?»
«មានអ្នកណាចូលបន្ទប់ធ្វើការយើងដែរទេ?»
«កាលពីយប់មិញដូចជាឃើញអ្នកនាងវ៉ុនយ៉ុងឈររេរាមុខបន្ទប់ចៅហ្វាយ តែនាងប្រាប់ថាគ្រាន់តែមករកចៅហ្វាយប៉ុណ្ណោះ ក្រៅពីនេះដូចជាគ្មានទេ!!»
«វ៉ុនយ៉ុងមិនអាចទេ!! នាងមិនអាចបញ្ជូនទៅលឿនដល់ថ្នាក់នេះឡើយ ក្រដាស់មួយសន្លឹកនេះយ៉ាងហោចណាស់ក៏ធ្វើឡើងតាំងពីសប្តាហ៍មុនដែរ!!»
«បើមិនមែនអ្នកនាងវ៉ុនយ៉ុង អញ្ចឹងតើជាអ្នកណា?»
«ប្រាប់ម្ចាស់ភាគហ៊ុនទាំងអស់ឲ្យចូលរួមការប្រជុំភ្លាម!!» ជុងហ្គុកយកដៃញីក្បាលបន្ទិចដោយទាល់តម្រឹះគិតមិនឃើញ នាយដឹងច្បាស់ណាស់ថាមានអ្នកលួចត្រារបស់នាយតែមិនអាចដៅបានថាជាអ្នកណាសោះ!!
«បាទចៅហ្វាយ!!» បន្ទាប់ពីទទួលបញ្ជាចៅហ្វាយនាយរួច ហ្យុនជីនក៏ពាំនាំដំណឹងនេះទៅម្ចាស់ភាគហ៊ុនគ្រប់គ្នា ដែលម្នាក់ៗកំពុងតែខឹងនឹងរាងក្រាស់យ៉ាងខ្លាំង។
@បន្ទប់ប្រជុំ
«ម៉េចក៏លោកលក់រូបមន្តដោយមិនប្រាប់ពួកយើងបែបនេះ?» លោកជុងមីនដែលជាម្ចាស់ភាគហ៊ុន២០ភាគរយស្ទុះក្រោកស្តីបន្ទោសនាយក្រាស់ព្រមទាំងបោះឯកសារមកកាន់នាយទាំងកំហឹង។
«បើខ្ញុំប្រាប់ថា មិនបានធ្វើ តើអស់លោកជឿខ្ញុំទេ?»
« គ្មានអ្នកណាជឿឯងទេ!! ត្រានេះមានតែឯងម្នាក់ប៉ុណ្ណោះដែលកាន់កាប់!!» លោកចាំងដែលមានភាគហ៊ុន៣០ភាគរយក៏ចូលរួមប្រជុំដែរ តាមពិតគាត់ត្រូវនៅបារាំងមើលការងាររោងចក្រទេ តែមានរឿងធំបែបនេះទើបគាត់ត្រឡប់មកកូរ៉េភ្លាមៗតែម្តង។
«តាមពិតទៅ ត្រារបស់ខ្ញុំបានបាត់តាំងពីសប្តាហ៍មុនមកម្ល៉េះ!!»
« កុំលេងសើចអី នេះគ្រាន់តែជាល្បិចដោះស្រាយបញ្ហារបស់ឯងនោះទេ!! គ្រប់គ្នានៅទីនេះព្យាយាមណាស់ទម្រាំបានសមិទ្ធិផលមួយនោះ តែឯងបែរជាយកទៅលក់យ៉ាងស្រួល តើឯងសមជាអគ្គនាយកដែរទេ?»
«បានហើយលោកចាំង ត្បិតថាគេលក់រូបមន្តក្រុមហ៊ុនមែន តែប៉ុន្មានឆ្នាំមកនេះគេគ្រប់គ្រងក្រុមហ៊ុនបានល្អណាស់ !! ពួកយើងទុកពេលឲ្យគេដោះស្រាយបញ្ហានេះចុះ សង្ឃឹមថាលោកអាចធ្វើបាន!!»
«អរគុណលោកជុងមីនណាស់ ខ្ញុំសន្យាថាមិនឲ្យអ្នកទាំងអស់គ្នាខកបំណងនោះទេ!!»ជុងហ្គុកក្រោកឈរពេញកម្ពស់ឱនគោរពដៃគូភាគហ៊ុនទាំងពីរទោះក្នុងចំណោមម្នាក់មិនពេញចិត្តក៏ដោយ តែមានតែវិធីនេះទេទើបអាចរកផ្លូវចេញពីបញ្ហានេះបាន។
កិច្ចប្រជុំត្រូវបានបញ្ចប់ ម្ចាស់ភាគហ៊ុនទាំងបីនិងអ្នកចូលរួមប្រជុំផ្សេងទៀតចាប់ផ្តើមបំបែកគ្នារៀងគ្នានៅសល់តែលោកចាំងម្នាក់ឯងដែលកំពុងខឹងក្រោធព្រោះធ្វើអីនាយក្រាស់មិនបាន។
«ហេតុអីក៏ម្នាក់ៗទុកចិត្តវាខ្លាំងម៉្លេះ?» លោកចាំងបោះឯកសារចោលទៅម្ខាង ដោយកំហឹង គាត់ពិតជាមិនអាចបំបាក់ម្នាក់នេះបានពិតមែនហេស៎? ប៉ុន្តែ រឿងមិនចប់ត្រឹមនេះ គាត់គ្មានថ្ងៃឲ្យអ្នកណាម្នាក់រកឃើញភស្តុតាងបានឡើយ!!
«គ្នាយើងរាយការណ៍មកថាមានប៉ូលិសសុំចុះត្រួតពិនិត្យចំការទំពាំងបាយជូរយើងទៀតហើយ!! គិតយ៉ាងម៉េចទៅលោកម្ចាស់?»
«អាប៉ូលិសអស់នេះខាំមិនលែងពិតមែន!! ឲ្យលុយវាចាយទៅ!!»
«បាទលោកម្ចាស់!!»
«ហ៊ឹស..អាជុងហ្គុក ឯងរួចខ្លួនថ្ងៃនេះ ថ្ងៃក្រោយឯងងាប់ប្រាកដណាស់!!» លោកចាំងឧទានតិចៗ ទឹកមុខគាត់ញញឹមមានសង្ឃឹមឡើងវិញសម្លឹងរូបថតមួយសន្លឹកក្នុងដៃដែលកូនស្រីផ្ញើមកអោយកាលពីយប់។
#SKIP
«កាមេរ៉ាសុវត្តិភាពបានខូចតាំងពីខែមុនម្ល៉េះចៅហ្វាយ អញ្ចឹងហើយគ្មានភស្តុតាងអីនោះទេ!!>>ហ្យុនជីនរៀបរាប់ព្រមទាំងហុចវីដេអូមួយចំនួនមុនពេលកាមេរ៉ាសុវត្តិភាពខូចឲ្យទៅចៅហ្វាយនាយ ជុងហ្គុកប្រញាប់យកមកមើល តែគ្មានអ្វីទាំងអស់ក្រៅពីនាយធ្វើការធម្មតា ។
«យើងទាល់តម្រិះហើយបើបែបនេះអី!!» នាយលើកដៃទាំងពីរជ្រោងសក់ឡើងទៅលើ ពេលនេះនាយទាល់មែនទែនហើយ គិតអ្វីក៏មិនចេញ ពាក្យសន្យាមុននេះប្រហែលជាគ្មានបានការអីនោះទេ តែភ្លាមៗស្រាប់តែទូរស័ព្ទគេរោទ៍ឡើង នាយក្រាស់ទាញមកមើលក៏ឃើញថាជា យ៉ុនហ្គី អូវ៉ាសាមិ កំពូលមិត្ត រាប់ខែរាប់ឆ្នាំទើបនឹកនាគ្នាម្តង ។ នាយចុចលើកទាំងបង្ខំព្រោះដឹងថាខាងនោះខលមកនិយាយរឿងឥតប្រយោជន៍ បើមិននិយាយរឿងស្រីក៏ស្រាដែរ។
«អាឡូ...!!»
«ឯងមកបារាំងរកងាប់អី មិនទាន់បានជួបមុខផងទៅកូរ៉េវិញបាត់!!»
«ខ្ចិលនៅ!!»
«ក្រុមហ៊ុនមានបញ្ហាមែនទេ?»
<<គ្រូទាយហេស៎ទើបដឹងថាយើងកំពុងមានបញ្ហា?» ជុងហ្គុកភ្ញាក់ផ្អើលបន្ទិច មិត្តសួរចំចំណុចតែម្តងហាក់ដូចជាដឹងថាខ្លួនជួបបញ្ហា មិនមែនបញ្ហាធម្មតាគឺបញ្ហាធំដោះស្រាយមិនចេញគឺរលាយក្រុមហ៊ុននឹងឯង។
«យើងជាមិត្តឯងវើយ!!»
«អឺ យើងកំពុងមានបញ្ហា!! មានគេលួចត្រារបស់យើងទៅស៊ីញ្ញេលក់រូបមន្តផលិតស្រាទំពាំងបាយជូរ ឥឡូវនេះម្ចាស់ភាគហ៊ុនកំពុងគ្រឺតធ្មេញដាក់យើងគ្រប់គ្នាហើយវើយ!!»
«ភ្លើណាស់ កាមេរ៉ាមានមិនមើល!!»
«ខូចបាត់តាំងពីខែមុនម្ល៉េះវើយ!!»
«កាមេរ៉ាដែលយើងបង្កប់ឲ្យឯងនោះអី!!»....
សូមរងចាំភាគបន្ត__
ទាយៗអ្នកណាជាអ្នកធ្វើ???😞