និយាយចប់គេសង្កត់ចុងកាំភ្លើងកាន់តែខ្លាំង ធ្វើឲ្យនាងតូចរិតតែភ័យ។
//បុិប!//
រៀបនឹងកេះកៃទៅហើយ ស្រាប់តែមាននរណាម្នាក់មកធាត់គេពីក្រោយ និងធ្វើឲ្យកាំភ្លើងជ្រុះចេញពីដៃបាត់។
ឃើញដូច្នោះគេរហ័សរុញ យូរ៉ា ចេញ រហ័សរើសយកកាំភ្លើងនិងតម្រង់រកអ្នកដែលធាក់គេមិញនេះ។ ស្របពេលនោះដែរ តូនី រវល់តែមកជួយលើក យូរ៉ា មិនបានចាប់អារម្មណ៍អ្នកខាងក្រោយខ្លួន ថាកំពុងតែធ្វើអី។
«អាចង្រៃអើយ!»
វេន ស្រែកប្រាប់៖
«តូនី ប្រយ័ត្ន!!!!»
ផាំង!
ផាំង!
គ្រាប់កាំភ្លើងពីរគ្រាប់បន្លឺឡើងដំណាលគ្នា។
ពេលដឹងថាមានគ្រាប់កាំភ្លើងសំដៅមកគេក៏គេចមិនឪ្យត្រូវចំណុចសំខាន់ តែបញ្ឆិតដៃបណ្តាលឪ្យមានឈាមជ្រាបប្រឡាក់អាវ។
យូរ៉ា ចង្អុលទៅរបួសរបស់ តូនី
«ដៃឯងចេញឈាម! »
«មិនអីទេ រត់ទៅ!»
តូនី មិនខ្វល់ពីរបួសនៅដៃ គិតតែពីជួយនាងឪ្យរត់ ហើយគ្រប់គ្នារត់មកជាមួយដែរ ថែមទាំងជួយបាញ់រាំងផ្លូវឪ្យ។
ចំណែកអ្នកកម្លោះត្រូវចំដៃមួយគ្រាប់ដែលជាស្នាដៃរបស់ វេន ។
បាញ់មនុស្សកំណាចមានរបួសហើយ វេន ប្រាប់ឲ្យគ្រប់គ្នាឆាប់ចេញពីទីនេះ៖
«រត់ឪ្យលឿនឡើង!»
ឆ្លៀតពេលនោះដែរ ពួកគេប្រឹងរត់យកស្លាប់យករស់ ធ្វើយ៉ាងណាអាចគេចចេញពីទីនេះបាន។
ទីបំផុតពួកគេក៏អាចគេចផុតមកដល់ឡានយ៉ាងសុវត្ថិភាព។ វេន រហ័សចូលទៅបញ្ជាចង្កូតឡាន ចេញពីទីនេះឲ្យលឿនបំផុតតាមដែលអាចធ្វើបាន។
ចេញដំណើរបានមួយសន្ទុះ យូរ៉ា សួរទៅ វេន៖
«ចុះលោកតានិងលោកយាយនោះ?»
លោកតាលោកយាយមិនគួរណាលះបង់ជីវិតរបស់ខ្លួន ដើម្បីតែនាងសោះ គាត់ជួយនាងច្រើនពេកហើយ។ នឹកដល់ពេលវេលាល្អៗ ដែលនាងបានសាងរួមគ្នាជាមួយអ្នកទាំងពីរ យូរ៉ា យំមិនឈប់។
YOU ARE READING
??????????????????????(completed)
Romance?????????????????????????????????????????? ?????????????????????????? ?????????????????????? ??????????????????? ???????????????????????????????????????? ??????????????????????????????????????? ????????????????????????????????????????????????????...
Part9
Start from the beginning
