ថ្ងៃនេះជាថ្ងៃកំណើតរបស់លោកតានាយកម្លោះដេវីតហើយគាត់ក៏អញ្ជើញគ្រួសារត្រកូលចនចូលរួមពិធីនោះដែរ ។ មុនដំបូងរាងចំណាស់ក៏គិតថាចាំអោយជុងហ្គុកទៅជាមួយគាត់ដូចគ្នា តែនាយបែរជាបដិសេធទៅវិញ តែក្រោយមកក៏យល់ព្រមទៅជាមួយដោយសារតែថេយ៍ក៏ទៅដែរ ។
នាពេលយប់ស្ងាត់ លំហអាកាសប្រែជាងងឹតគ្របដណ្ដប់ដោយផ្សែងខ្មួលខ្មាញ់ ផ្កាយតូចៗមានពន្លឺសស្រទន់រះមករឹមៗអមពន្លឺដួងចន្ទ បន្ទាប់ពីរៀបចំខ្លួនតុបតែងកាយហើយរួចរាល់ ថេយ៍ក៏ចុះមកខាងក្រោម ។
នៅក្នុងកម្មវិធីបន្ទប់សាលដ៏ធំទូលាយជិតចាប់ផ្ដើមឡើង ភ្ញៀវចូលរួមលំដាប់អភិជនមានមុខមាត់គេឈ្មោះល្បីល្បាញក្នុងសង្គមកំពុងនាំគ្នាឈរនិយាយជាមួយនឹងលោកតារបស់នាយកម្លោះកូនកាត់យ៉ាងរីករាយ ។
បានមួយសន្ទុះគ្រួសារត្រកូលចនក៏មានវត្តមានមកដល់ទីតាំងនេះ លោកតារបស់ដេវីតក្រោយឃើញគ្រួសារត្រកូលចនបែបនេះ គាត់ក៏មកញញឹមដើរមករកពួកគេ រាងចំណាស់ក៏ញញឹមពេញទីដូចគ្នា ។
« ខ្ញុំស្មានតែលោកមិនមកចូលរួមហើយតើស៎ »
« បាទ ខ្ញុំប្រាកដជាមកចូលរួមព្រោះពួកយើងជាគ្រួសាររួមសហការណ៍នឹងគ្នា » គាត់ក៏ញញឹមឡើង មែនហើយគាត់និយាយបែបនេះដោយសារតែដេវីតនិងកូនប្រុសតែម្នាក់របស់គាត់ក៏ធ្លាប់ជួបគ្នានិយាយការងារលើកមុនដែរ តែគាត់មិនដឹងទេថាជុងហ្គុកបានបដិសេធដេវីតនោះ ។
« សូមអញ្ជើញចូលមកខាងក្នុង » រាងចំណាស់ក៏ដើរតាមលោកតារបស់កម្លោះកូនកាត់ ឯថេយ៍និងជុងហ្គុកក៏ដើរទៅតាមក្រោយស្រាប់តែ
« ថេយ៍ » ថេយ៉ុងក៏ងាកតាមប្រភពសម្លេង ជុងហ្គុកក្រោយឃើញនាយមុខសនោះមកទឹកមុខរាបស្មើក៏បញ្ចេញមកភ្លែត ឈរជ្រែងហោប៉ៅមើលគេ ។
« បងប្រុស » ថេយ៍ក៏ញញឹមឡើង
« ពួកយើងទៅអង្គុយកន្លែងនោះទៅ »
« ហ្អឹម » ថេយ៍ក៏ក្រហឹម-ក មុនដើរតាមនាយកូនកាត់ ធ្វើមើលមានតែពីរនាក់យ៉ាងអ៊ីចឹង មិនមើលជុងហ្គុកដែលឈរដូចគល់អុសសោះ ។
ពួកគេក៏នាំគ្នាអង្គុយនៅសាឡុងទន់ៗទល់មុខគ្នា ជុងហ្គុកក៏រហ័សទៅអង្គុយខាងថេយ៍ ដេវីតក្រោយឃើញបែបនេះក៏ទម្លាក់ទឹកមុខចុះមកភ្លាម តែក៏សុខចិត្តសម្រួលទឹកមុខញញឹមឡើងមករកថេយវិញ ។
« ថេយ៍យប់នេះស្រស់ស្អាតណាស់ »
« អរគុណបងប្រុស »
« ហ្អឹមៗ....!!! » ជុងហ្គុកគងទាក់ខ្លាផ្អែកខ្នងនឹងសាឡុងក្រហឹមដើម.ក ថេយ៍និងដេវីតក៏ងាកទៅមើលព្រមគ្នា ឯរាងចំណាស់កាលឃើញពួកក្មេងៗនាំគ្នាអង្គុយនិយាយគ្នាបែបនេះ គាត់ក៏ញញឹមងាកមកសំណេះសំណាលជាមួយប៉ាម៉ាក់លោកតារបស់នាយកូនកាត់និងភ្ញៀវឯទៀតវិញ ។ ម្នាក់ៗក៏សរសើរពីសម្រស់ក្មួយរបស់គាត់ដែរ ជាពិសេសប៉ាម៉ាក់ដេវីតតែម្ដង ។
« នេះ ថេយ៍ញុំាអាមួយនេះទេ?? »
« យើងក៏ឃ្លាន អោយយើងមក » ចប់សម្តី ជុងហ្គុកក៏រហ័សយកវាពីដៃនាយសង្ហារកូនកាត់ភ្លែតដាក់វាចូលមាត់ ដោយមិនអោយថេយ៍គេឈោងដៃយកទាន់ ។
« បើឃ្លានមិចមិនយកខ្លួនឯង មកដើរឆក់របស់គេទៅវិញ »
« ... » ជុងហ្គុកមិនតប
« ផឹកទឹកក្រូចវិញ នេះថេយ៍ »
« អោយមកយើងមក ថេយ៍គេមិនចេះផឹកទឹកក្រូចទេ » ថាហើយ គេក៏យកវាពីដៃរបស់ដេវីត
« វាស្អីរបស់ឯង »
« របស់ដែលឯងអោយ កុំសង្ឃឹមថានឹងបានដល់ដៃគេ បើមានយើងនៅទីនេះ » ជុងហ្គុកញាក់ចញ្ចើមម្ខាងនិយាយត្រង់ៗមិនកាច់កុង សឹមលើកកែវទឹកក្រូចមកក្រេបបន្តិច
« មិនអីទេបងប្រុស ខ្ញុំអាចយកខ្លួនឯងបាន »
« បន្តិចទៀតនឹងមានការរាំរែក បងចង់អញ្ជើញថេយ៍ឡើងរាំជាមួយបងមួយបទ »
« ខិៗ! » ថេយ៍ស្រាប់តែឈ្លក់ទឹកក្រូចមកភ្លាមៗ
« ថេយ៍យ៉ាងមិចហើយ?? »
« ខ្ញុំមិនអីទេ » ថេយ៍ក៏សន្សឹមលូកយកក្រដាសមកជូតមាត់
« ឯងដូចជាថ្លើមធំពេកហើយ អាខ្មោចបារាំង » ថេយ៍បែរមកមើលជុងហ្គុក សុទ្ធតែហៅគ្នាអាខ្មោចបារាំងចឹងឬ???
បន្តិចក្រោយមកឡេវីលនិងគ្រីសពួកគេក៏មកដល់ ។
« នេះយកប្អូនមកជាមួយដែរឬ អាជុង?? »
« ប៉ាយើងទេ មិនមែនយើង » មាត់តែតបតតែក្រសែភ្នែកត្របាញ់រកគ្នាមិនព្រិច ។
ដោយឃើញពួកគេទាំងពីរឆ្លើយឆ្លងគ្នាតាមក្រសែភ្នែកគ្រីសក៏អង្រួនដៃឡេវីលតិចៗដើម្បីអោយគេធ្វើអីម្យ៉ាងទៅ បើមិនចឹងពួកគេនឹងអង្គុយមើលមុខគ្នាបែបនេះដល់ចប់កម្មវិធីមិនខាន ។
« ហ៊ើយ!!! មកយឺតបន្តិចសូមទោសផង » ឡេវីលស្រដីឡើងទះស្មាជុងហ្គុកដើម្បីពញ្ញាក់គេអោយសម្លឹងមកមើលខ្លួនកាត់ផ្ដាច់ក្រសែភ្នែកចេញពីកម្លោះកូនកាត់ម្នាក់នោះ ខណៈដែលខ្លួនគេក៏ទម្លាក់អង្គុយលើសាឡុងជិតជុងហ្គុក ឯគ្រឹសនាងក៏ទៅអង្គុយជិតថេយ៍ញញឹមដាក់គេ ។
« ហេតុអីត្រូវសូមទោស ដកដៃចេញ!! »
« កុំបង្ករឿង ក្នុងកម្មវិធីលោកតាគេ វើយ » ឡេវីលអោយខ្សឹបដាក់ត្រចៀកជុងហ្គុក ដឹងហើយអាមិត្តម្នាក់នេះចិត្តក្ដៅណាស់ ស្រួលមិនស្រួលហក់វៃមិនរើសកន្លែងផង ។
<< ជាកិច្ចបន្ទាប់នេះដល់កម្មវិធីពិសេសក្នុងការអញ្ជើញដៃគូឡើងរាំហើយ >> សម្លេងមេក្រូប្រកាស់ក្ដែងៗ ។
« បងសុំអនុញ្ញាតិថេយ៍~~ ឆាច់*! » មិនទាន់និយាយចប់ស្រួលបួលផង ទឹកក្រូចក៏ហោះចេញពីកែវជះស្រោចទៅលើផ្ទៃមុខ ប្រឡាក់ដល់អាវសឺមីស្អាតមានផ្នត់របស់ដេវីតដោយដៃកម្លោះចិត្តឆៅពូកែម៊ួម៉ៅរបស់ជុងហ្គុកភ្លែត ។ ឡេវីល គ្រីស ជាពិសេសថេយ៉ុងទៅទៀតនោះបែរមកសម្លឹងជុងហ្គុកដែលអង្គុយធ្វើទឹកមុខរាបស្មើហាក់មិនដឹងរឿងអីទាំងបើកភ្នែកធំៗប៉ុនពងមាន់ មិននឹកស្មានថាគេហ៊ានធ្វើបែបនេះសោះ ។
« ឯង~~ដឹប* » ដេវីតចាប់ក្របួចកអាវជុងហ្គុកលើកឡើងងើបឈរយាមួយដៃរបស់ដល់គេទប់ជំហ៊រភ្លាមៗបែបនេះមិនជាប់ដួលទៅលើសាឡុងវិញ ។
ដឹប* ជុងហ្គុកវិញក៏មិនអន់ប៉ុន្មានដែរ ក្រោកឈរវាយបកទៅគេវិញយ៉ាងរហ័ស កំពុងតែរងចាំថ្ងៃនេះ ថ្ងៃដែលបានវាយគេផង បែបនេះត្រូវតប់អោយបែកមាត់តែម្ដង ។
<< អាយ៎.. មានមនុស្សវាយគ្នា >> ពិធីករនៅក្នុងកម្មវិធីប្រកាសឡើងក្ដែងៗ ធ្វើអោយភ្ញៀវក្នុងកម្មវិធីព្រមទាំងលោកចនងាកទៅមើល ។ លោកចនក៏ដូចជាលោកតានិងប៉ាម៉ាក់ដេវីតបើកភ្នែកឡើងធំៗក្រោយឃើញកូនរបស់ពួកគាត់វាយគ្នាយកដួលទាំងសងខាងបែបនេះ ។
————————
រងចាំភាគបន្ត.........