?????????????? (Khmer translation ?????????????????)

CHAPTER 18 : ????????

"យើងចង់ធ្វើឯងឱ្យមានអារម្មណ៍ថាយើងយកចិត្តដាក់ឯង ប៉ុន្តែឯងបានគិតថា... យើងគ្រាន់តែយកឯងមកលេងសើច??"

ជេមស្ងាត់មួយភ្លែតរួចក៏និយាយបន្ត

“បងស្រលាញ់អូនខ្លាំងណាស់ បងចង់តែថ្វាយបង្គំអូន ខំទប់ចិត្តមិនសម្លាប់អ្នកដទៃផ្សេង ពេលដែលគេហ៊ានមើលមុខអូន ខ្លាចថាពេលអនាគតទៅបងនឹងឃុំអូនទុកដោយសេចក្តីហួងហែងរឹតតែមិនអាចទ្រាំបានទេ បើអូនទៅចោលបង..."

ជេមបានដកដង្ហើមធំ ឯរាងកាយទាំងមូលក្តៅដូចភ្លើង គ្រាន់​តែ​សម្លឹង​មើល​នាយ ក៏នាយល្អិតអាច​ស្មាន​ថា​គ្រុន​របស់​ជេមគឺកាន់​តែ​ឡើងខ្លាំង​ឡើង​ៗ ជេមនៅស្ងៀមមួយសន្ទុះបន្ទាប់មកក៏បន្ត

"កុំគិតច្រើនពេកអំពីរឿងអាពាហ៍ពិពាហណា៎ វាជាផ្នែកទាំងអស់នៃផែនការរបស់យើងក្នុងការឡើងកាន់តំណែងជាមេគ្រួសារ ធីទីឆារ៉ុនរាក់ ឯងគឺជាមនុស្សសំខាន់ម្នាក់ មិនថាឯងទទួលមរតកធីទីឆារ៉ុនរាក់ឬអត់ វាមិនអីទេ មិនយូរមិនឆាប់ យើងនឹងផ្តល់កេរឈ្មោះនិងកិត្តិយសឱ្យឯង”

"ខ្ញុំមិនត្រូវការកេរឈ្មោះឬកិត្តិយសទេ! ខ្ញុំចង់ក្លាយជាករណីលើកលែងរបស់លោក.."

"រឿងនឹងគឺតែងតែឯងជានិច្ច ជាករណីលើកលែងតែមួយគត់របស់ជេម ចាប់ពីពេលនេះតទៅ រូបរាងកាយ ព្រលឹង និងសូម្បីតែបេះដូងឯងក៏ជាកម្មសិទ្ធិរបស់យើងដែរ គឺរបស់លោកប្រុសទីបួន ជេមមីណាយ ណូរ៉ាវីតនៃគ្រួសារ ធីទីឆារ៉ុនរាក់ យើងស្បថថាយើងនឹងការពារ និងបម្រើឯងអស់មួយជីវិត"

គេបានទាញបែកចេញពីហ្វូត រួចចាប់ស្មារបស់ នាយតូវហើយបែរទៅមុខដើម្បីឱ្យរាង​តូចបែរខ្នងដាក់គេ ជេមដើរមកកាន់តែគៀគ ហើយយកដៃរបស់គេឱបចង្កេះហ្វូត ផ្ទៃមុខសង្ហាជ្រប់ដោយអោនចុះ, ដាក់បបូរមាត់របស់គេនៅជិតផ្នែកម្ខាងនៃករបស់ហ្វូតហើយខ្សឹបប្រាប់ថា

"ស្តាប់ណា៎ ចាប់ពីពេលនេះតទៅ ឯងធ្វើអ្វីក៏បានដែរកុំខ្លាចគេ ពើងទ្រូងងើបក្បាលដោយមានភាពជឿជាក់ យើងនឹងនៅកាពារឯងគ្រប់ពេល ធ្វើអ្វីដែលឯងពេញចិត្ត ជេមមីណាយនឹងនៅតែការពារ នឹងជួយជ្រោមជ្រែង"