?????????????? (Khmer translation ?????????????????)

ថ្ងៃថ្មីបានចាប់ផ្ដើមហើយ ព្រឹកនេះផ្ទះវីឡាហាក់ដូចជាមិនស្ងប់ស្ងាត់ដូចធម្មតាទេ អ្នកបម្រើទាំងអស់នៅក្នុងផ្ទះកំពុងប្រជែងគ្នាធ្វើការយ៉ាងញាប់ដៃ អ្នកស្រីណាន់មី រវល់​ក្នុង​ផ្ទះបាយកំពុង​ជ្រើសរើស​មុខម្ហូប​ពិសេស
សម្រាប់ការទទួលស្វាគមន៍បស់គ្រួសារណូអីនរ៉ាជីរ៉ូកនិងកូនប្រុសពៅដែលជាគូដណ្តឹងរបស់លោកប្រុសទីបួនជេមមីណាយដែលត្រូវបានលោកកូតលើកឡើងកាលពីព្រឹកម្សិលមិញនេះ ឈ្មោះថារីមតាណូអីនរ៉ាជីរ៉ូក

“ហាហាទើបតែបានមួយថ្ងៃហើយឯងរកកុងត្រាឲ្យក្រុមហ៊ុនយើងបានហើយ? ជុង ឯងមិនដែលធ្វើអោយយើងខកបំណងទេ" 

បន្ទប់ទទួលទានអាហារត្រូវបានអ្នកបម្រើសម្អាតយ៉ាងប្រុងប្រយ័ត្ន ហើយរៀបចំយ៉ាងស្រស់ស្អាត លោកម្ចាស់កូតនិងគូស្នេហ៍ ជុង និងដាំង ពួកគេទាំងបីអង្គុយនៅតុទទួលទានអាហារដ៏ធំមួយ ខណៈ​កំពុង​រង់ចាំ​ក្រុម​គ្រួសារ​ណូអីនរ៉ាជីរ៉ូក រួចក៏បាន​ឆ្លៀត​ឱកាស​ពិភាក្សា​ការងារ និង​ពិនិត្យ​ឯកសារ​មួយ​ចំនួន​នៅ​ក្រុមហ៊ុន

"ប៉ាគួរតែអរគុណចំពោះសមត្ថភាពនិយាយរបស់ស្វាមីតូចរបស់កូននេះហើយ ដាំងគេពូកែបញ្ចុះបញ្ចូលមនុស្សណាស់"

"កូន ទាំងពីរធ្វើបានល្អណាស់ ដាំងកូនឯងទើបតែបានជួយប្តីពីកិច្ចការនៅក្រុមហ៊ុន ហើយមកផ្ទះក៏ត្រូវជួយម្តាយក្មេកការងារផ្ទះទៀត ... វាពិបាកសម្រាប់កូនណាស់"

“អត់ទេ ឲ្យតែខ្ញុំអាចជួយបងជុងបាន ខ្ញុំនឹងជួយមិនថាវាលំបាកប៉ុណ្ណាទេ ចំណែកការងារផ្ទះវិញក្នុងនាមខ្ញុំជាកូនប្រសាច្បងខ្ញុំមានភារកិច្ចជួយម្តាយក្មេកទៅហើយ មិនថារឿងតូចតាចក្តី ធំក្តី វាមិនពិបាកទាល់តែសោះហេ! គឺកូនធ្វើការតាមសមត្ថភាពរបស់កូនដែរទេលោកប៉ា ដូច្នេះកុំបារម្ភអី"

"ពិតជាសមជា កូនប្រសាអ្នកស្រីណាំមីមែន!"

ជុងសម្លឹងមើលដាំងហើយញញឹមដោយក្តីស្រលាញ់ គេពិតជាមានមោទនភាពដែលមានស្វាមីដ៏ស្រស់ស្អាត មានទេពកោសល្យ និងសមត្ថភាពបែបនេះណាស់ វាពិតជាកម្រណាស់

"ជេមនឹងមកក្រុមហ៊ុនថ្ងៃនេះដើម្បីសាកល្បងត្រូវទេ? តើប៉ាមានគម្រោងដាក់គេនៅក្នងថានៈអ្វី?"