?????????????? (Khmer translation ?????????????????)

CHAPTER 23 : ???????? ???????? ??? ?????????

"ក្រោយ​ពីជួយ​បង្កើត​ទំនាក់ទំនង​ជាមួយ​គ្រួសារណូអីនរ៉ាជីរ៉ូក ហើយនៅលើករឿងនេះមកពាក់ព័ន្ធជាមួយខ្ញុំទៀត ប្រយ័ត្នប្រយែងខ្លួនបន្តិចផងណា! កុំអាលស្លាប់ឆាប់ពេក..."

នៅ​ប្រយោគ​ចុង​ក្រោយ ជេមបាននៅសម្លឹង​មើល​លោក កូត ចំៗ បន្ទាប់​ពី​និយាយ​រួច គេក៏​ញញឹម​បែប​មានអ្វី
លាក់គំនួច ពេល​លោក​កូត​បាន​ឮ​ដូច្នោះ​លោក​ក៏​ប្តូរ​ទឹក​មុខ​ហើយបន្ទាប​សំឡេង​ភ្លាម​ៗ​

"អ-អឺ អឺគឺ ជេម មិនអីទេ ប៉ាស្របតាមអ្វីដែលឯងចង់បាន ប៉ានឹងស្តាប់ឯង! គឺកូនចង់រៀបការជាមួយហ្វូតត្រូវទេ?
ប៉ាព្រមទទួលគេភ្លាម ឲ្យតែកូនយល់ព្រមភ្ជាប់ពាក្យជាមួយ រីម តា ហើយទៅក្រុមហ៊ុនទៅធ្វើការ ប៉ានឹងយល់ព្រមតាមដែលកូនចង់បាន"

"បងនិយាយស្អីនៀគហាស!?"

អ្នកស្រីណាំមីច្រឡោតឡើងយ៉ាងខ្លាំង

"អូននៅស្ងៀមសិនទៅ!"

ជេមបានដកដង្ហើមចូលយ៉ាងខ្លាំង ហើយមើលទៅអ្នកបម្រើទាំងអស់ រួចក៏បន្លឺឡើង

"ចាប់ពីពេលនេះតទៅ ហ្វូតនៅទីនេះមានឋានៈជាគូដណ្តឹងរបស់ ជេមមីណាយ ណូរ៉ាវិត កុំបន្ទោសខ្ញុំបើសិនជាហ៊ាននិយាយថាគេជា "អ្នកបំរើផ្ទាល់ខ្លួន" "

បន្ទាប់ពីនិយាយរួច គេបានចាប់ដៃហ្វូតហើយទាញគេចេញទៅក្រៅ

"ជេម! លោកនាំខ្ញុំទៅណា? លោកមិនទៅក្រុមហ៊ុនដើម្បីទទួលយកតំណែងលោកទេ?!"

"នឹងទៅពេលរសៀលនេះ"

បន្ទាប់ពីទាញរាងក្រាស់និងរាងស្តើងចេញទៅហើយ ជុងបានមើលមកលោកកូតដោយភាពច្របូកច្របល់

"ហេតុអ្វីបានជាប៉ាធ្វើតាមការចង់បានរបស់គេ? ប៉ាសុខចិត្តប្រលែងគេតាមសេរីតែម្តងមែនទេ?"

លោកកូតដកដង្ហើមធំ ហើយឆ្លើយយឺតៗ

"មានតែយើងទេដែលយល់ ជេម... ឯង និងប៉ន៍ ប្រហែលជាពេលឯងទាំងពីរគិតរឿងអ្វីមួយ ហើយចាប់ផ្តើមចង់បានវា ប៉ុន្តែនៅពេលដែលឯងមានអារម្មណ៍ថាមិនអាចទទួលបានរបស់នោះ ពួកឯងនឹងបោះបង់ចោលភ្លាមៗ ប៉ុនែ្តសម្រាប់ ជេមនៅពេលដែលគេចង់បាន ឬចង់ធ្វើអ្វីគេនឹងសម្រុកប្រឹងប្រែងយកអោយទាល់តែបានមិនថាមានអ្វីមកបាំង ឬពិបាកយ៉ាងខ្លាំងប៉ុនណាក៏ដោយ សម្រាប់គេគឺមាន​តែពាក្យ​ "យកទាល់តែបាន" ទោះ​បី​ជា​អ្នករារាំងឪពុក​ម្ដាយ ឬ​បង​ប្អូន​របស់​គេក៏ដោយ..."