រាងរូវតូចច្រឡឹងស្អាត សាច់ពោះសខ្ចីរាបស្មើស្អាតជាងស្រីទៅទៀត អ្នកណាទៅដឹងថាក្នុងសម្លៀកបំពាក់រលុងៗមើលមិនសមភ្នែកបែជាមានរូបរាងល្អឥតខ្ចោះបែបនេះទៅ រាងក្រាស់យើងនេះក៏ភ្លឹកមួយសន្ទុះដែរល្មមភ្ញាក់ខ្លួនវិញ។
« ន៎ែ ក្មេងឆ្គួតដាក់អាវចុះវិញ »
គេប្រញាប់ចាប់ទាញអាវរាងតូចទម្លាក់ចុះវិញ ហើយភ្នែកងាកលិចងាកកើត សំណាងម្តុំនេះជាចំណតរថយន្តសិស្សទើបស្ងាត់ល្អ។
« ខ្ញុំជូតមិនទាន់រួចទេ » Felix ប្រុងសើយអាវឡើងម្តងទៀតតែត្រូវដៃរឹងមាំចាប់ជាប់
« មិនបាច់ទេប៉ុណ្ណឹងបានហើយ » អស់ជម្រើសនាយក៏យកជាយដៃអាវខ្លួនឯងជូតឲ្យរាងតូចតែម្តង
« ហិហិ » Felix សើចស្រស់ចេញមកទាំងរំភើបមិនលាក់លៀម Hyunjin មិនងាយចិត្តល្អបែបនេះទេ
..............
Vroom~ ងឺត
ម៉ូតូធំរបស់ Hyunjin បានឈប់នៅកន្លែងចតឡានក្នុងភូមិគ្រឹះរបស់គេ មិនចម្លែកទេព្រោះផ្ទះជាប់គ្នា Felix ដើរទៅផ្ទះបាន ។
« ដល់ហើយចុះទៅ »
ស្ងាត់!
« Felix~ » រាងក្រាស់ងាកក្រោយក៏ឃើញថា Felix គេងលក់ក្រាបលើខ្នងតាំងពីពេលណាមិនដឹង
« ស្លាប់ហើយចុះបើធ្លាក់តាមផ្លូវគិតយ៉ាងមិច ខ្ញុំមានកូនឆ្គួតណាសងគេទៅ ហឺយ~ អំពុលទុក មែន »
សម្តីអាក្រក់ជាទម្លាប់របស់គេហើយ មិននិយាយៗតែបើហាមាត់អាចដាច់ផ្ងារ។
នាយប្រឹងទប់កាយតូចល្អិតហើយដោះមួកចេញថ្នមៗធ្វើឲ្យគេមើលឃើញផ្ទៃមុខតូចច្រមិចពេញភ្នែក គេភ្លឹកមួយសន្ទុះដែរ Felix ពិតជាស្អាតគ្មានទាស់មែនរាងក្រាស់ក៏ទទួលស្គាល់ដែរ តែដែលមិនចង់ពាក់ព័ន្ធគឺ Felix សតិមិនល្អនេះឯង ។
Hyunjin លើកបី Hyunjin ឡើងប្រុងនាំទៅផ្ទះគេតែក៏ត្រូវអ្នកស្រី Hwang ហៅមុន។
« Hyunjin យ៉ាងមិចនិងកូន lix កើតអី? » គាត់សួរឡើងព្រមជាមួយនិងទឹកមុខភ្ញាក់ផ្អើល
« គ្មានអីទេម៉ាក់ គេគេងលក់តាមផ្លូវនេះសំណាងហើយមិនធ្លាក់ពីលើម៉ូតូស្លាប់ »
