????????????????? (????)

គ្រប់ពាក្យផ្អែមល្ហែមដែល Jungkook បាននិយាយ គេពិតជារំភើប បើសិនជាគេនៅស្រឡាញ់នាយខ្លាំងដូចពីមុន ប្រហែលជាគេអាចនឹងឆ្កួតដោយសារសម្ដីនាយមិនខាន។ ប៉ុន្តែយ៉ាងណា Tae ក៏បានសម្រេចចិត្តរួចហើយ ទោះ Jungkook ព្រមលែងលះឬក៏អត់ គេត្រូវតែត្រឡប់ទៅកូរ៉េដាច់ខាត ថ្វីដ្បិតតែសណ្ឋាគារបានត្រឡប់មកវិញពិតមែន តែភោជនីយដ្ឋានដែលគេចង់កសាងដោយដៃខ្លួនឯងផ្ទាល់នៅមិនទាន់សម្រេចនៅឡើយ។

ព្រលឹមថ្ងៃថ្មី អ្វីៗហាក់ប្រែប្លែក ក្នុងផ្ទះមានសភាពអ៊ូអរជាមួយនឹងការជជែកព្រមទាំងញុាំអាហារជុំគ្នាយ៉ាងរីករាយ។ ថ្ងៃនេះផងដែរ Jungkook ត្រូវទទួលតំណែងថ្មីជាអគ្គនាយកប្រតិបត្តិជំនួសកន្លែងឱ្យឪពុក ដូច្នេះនាយមិនអាចខកខានបានឡើយ។

«សឺត បងទៅធ្វើការហើយ ចាំល្ងាចនេះបងនាំទៅ dinner ជាមួយគ្នា ត្រូវតែងខ្លួនឱ្យស្អាតៗលឺដែរទេ?»នាយជាស្វាមី នៅឈរសាសងជាមួយប្រពន្ធមិនព្រមចូលឡានសោះ គិតតែឱបថើបៗ ដល់ថ្នាក់លោក Masashi និងភរិយាបណ្ដើរគ្នាចូលក្នុងផ្ទះមុនបាត់។ ឃើញកូនៗស្វីតបែបនេះ ចេះតែនឹកដល់គ្រាកាលខ្លួននៅកម្លោះក្រមុំ🤭។

«មិនសន្យាទេ»រាងតូចដែលស្ថិតក្នុងកណ្ដាប់ដៃប្ដីបានត្រឹមនិយាយទាំងមុខស្មើ។ ឯ Jungkook ក៏មិនបានចាប់អារម្មណ៍នឹងការតែងខ្លួនប្លែកៗរបស់ប្រពន្ធ ប្រហែលជាគេចង់ប្ដូរស្ទាយ៍ទេដឹង។

«ហេតុអី? ឬល្ងាចនេះអូនមិនចង់ចេញទៅណា បើចឹងពួកយើងធ្វើអ្វីញុាំនៅផ្ទះក៏បាន»

«បានហើយ ឈប់គិតពីរឿងនេះទៅ ថ្ងៃនេះលោកត្រូវចូលធ្វើការក្នុងមុខតំណែងថ្មីផង មិនគួរយឺតយ៉ាវទេ»

«អា៎ ក៏បាន បើចឹងបងទៅសិនហើយ សឺត»មួយខ្សឺតទៀតជាមួយនឹងស្នាមញញឹមពព្រាយ ហាក់ដូចជាស្រស់ស្រាយណាស់។ Jungkook ព្រមលែងកាយតូចទាំងមិនចង់ មុននឹងឡើងឡានចេញដំណើរទៅ។

Tae បានត្រឹមឈរដកដង្ហើមធំសម្លឹងទៅត្រង់ទាំងកំពុងគិត។ យ៉ាងណាគេសម្រេចចិត្តរួចហើយ បកក្រោយមិនបានទេ។ នាយតូចឡើងទៅប្រមូលសម្ភារៈជាមួយនឹងឯកសារដែលសំខាន់ៗ រៀបចំដាក់កាតាបរបស់ខ្លួនយ៉ាងរៀបរយ ទើបចុះមកជម្រាបមនុស្សចាស់តាមក្រោយ។ គេមិនអាចធ្វើអ្វីរំលងពួកគាត់ឡើយ។