អុីរាំងឈប់មាត់ កាន់ទូរស័ព្ទដើរមកតុកាងងាររបស់គេ ព្រោះនៅឯកសារខ្លះគេធ្វើមិនទាន់ហើយដូចគ្នា
សៃហ្វៀក្រោកអង្គុយ ព្រោះគេងមិនលក់ ដោយសារតែថ្ងៃមិញនាងគេងរាងយូរដែរ ទើបធ្វើឲ្យពេលយប់ នាងគេងមិនលក់ សៃហ្វៀក្រោកចុះពីគ្រែ ដើរទៅចាក់ទឹកផឹកបន្តិច ទើបប្រទាក់ភ្នែកនឹងរបស់ដែលនាងចុះទិញកាលពីថ្ងៃមិញ សៃហ្វៀដើរទៅយកទឹកដោះគោ ដែលទិញកាលពីថ្ងៃយកមកផឹក យប់បែបនេះ នាងមិនដឹងញុាំអី មានតែផឹកទឹកដោះគោ
ផឹកបានបន្តិច ក៏ងាកទៅមើលអ្នកដែលកំពុងតែមើលការងារ ទើបនាងចាក់ថែមមួយកែវទៀតយកមកឲ្យគេ
" ឃ្លានទេ!" ដៃដែលកាន់ទឹកដោះគោលើកយកមកហុចឲ្យគេ អុីរាំងសម្លឹងមើលមុខនាង ទើបប្រាប់ឲ្យនាងទុកវានៅលើតុ
សៃហ្វៀក្រោយទុកលើតុហើយ នាងមិនខ្ចីដើរទៅណា នៅឈរមើលគេធ្វើការរហូតដល់គេមើលមុខនាង
" បើងងុយឆាប់ទៅគេង...កុំមកប្រឹងបើកភ្នែកតាមខ្ញុំនោះ!" គេស្ដីឲ្យ ព្រោះគិតថានាងមិនហ៊ានគេង គិតថានាងខ្លាចនេះខ្លាចនោះ សៃហ្វៀបដិសេធភ្លាមៗ ប្រាប់ហេតុផលដែរនាងមិនងងុយគេឲ្យទៅគេដឹង
អុីរាំងលែងមាត់ បន្តធ្វើការតាមធម្មតា ធ្វើការសុខៗ ខារីក៏ខលមកគេ សៃហ្វៀបើកភ្នែកធំៗ សម្លឹងមើលទូរស័ព្ទដៃដែលគេទុកលើតុ
" កើតអី?" ឃើញនាងធ្វើឫកពារចំលែកៗ អត់មិនបាននឹងឲ្យគេសួរ
" ខ្ញុំ...ខ្ញុំងងុយគេហើយ! " នាងធ្វើមុខជូរ ឡើងមកអង្គុយលើភ្លៅគេភ្លាមៗ គ្រាន់តែគេលើកទូរស័ព្ទខារី
អុីរាំងមិនមាត់ តែសម្លឹងមើលមុខក្មេងដែលចូលមកអង្គុយលើភ្លៅគេ ដោយគ្មានការអនុញ្ញាត ដៃតូចៗដូចបន្លាក្រូចលើកមកតោងកគេស្អិត ពេលគេកំពុងនិយាយជាមួយមនុស្សស្រី ត្រចៀកដែលនៅជិតគេស្រាប់ នាងព្យាយាមចាំស្ដាប់ តែស្ដាប់មិនបាន ឮតែសម្ដីរបស់អុីរាំងនិយាយ
" ឯកសារខ្ញុំផ្ញើឲ្យអ្នកនាងរួចហើយ បើមានកន្លែងណាមិនយល់ អាចសួរឆៃលីឬក៏ខ្ញុំបាន!" សម្ដីហាក់យកចិត្តទុកដាក់របស់គេចំពោះខារី ធ្វើឲ្យក្មេងស្រីដែលអង្គុយលើភ្លៅគេ កើតចិត្តច្រណែនភ្លាមៗ ទើបនាងចង់ចុះពីភ្លៅគេវិញភ្លាមៗ
"ខ្ញុំងងុយគេងហើយ!" សម្លេងង៉ូវៗ ក្បែរកញ្ចឹងករបស់គេ ធ្វើឲ្យសម្លេងនាងឮដល់អ្នកម្ខាងទៀត
" អុីរាំង! ប៉ុណ្ណឹងបានហើយ ឯកសារមិនយល់ខ្ញុំនឹងខលសួរឆៃលីបន្ថែម! " នាងឮសម្លេងមនុស្សស្រី ទើបគិតថាប្រពន្ធរបស់គេកំពុងនៅជាមួយ ទើបនាងមិនហ៊ានរំខានច្រើន ខារីដាក់ទូរស័ព្ទចុះ នឹងបន្តមើលឯកសារបន្ត
អុីរាំងទុកទូរស័ព្ទលើលតុ សម្លឹងមើលមុខក្មេងដែលព្យាយាមត្បុលក្បាលមកក្បែរកញ្ចឹងកគេ គេលើកនាងបីឡើង ទើបសៃហ្វៀតោងកគេជា អុីរាំងដាក់នាងឲ្យគេងលើគ្រែ ទើបគេដើរមកទុកឯកសារឲ្យស្រួលបួលសិន ក្មេងស្រីជើងល្អ ពេលគេបីមកដាក់លើគ្រែរួច តាំងលួចញញឹមឡើង ព្រោះតែបានប៉ះរាងកាយរបស់គេ ជាពិសេសកញ្ចឹងករបស់គេ នាងចង់តែឈ្មុលក្បាលនៅក្បែរកគេរហូតនោះទេ បើក្រអូបបែបនឹង
នៅជាមួយប៉ុន្មានដងហើយ នាងមិនដែលដឹងសោះ ថាគេក៏មានកន្លែងដែលគួរឲ្យចាប់អារម្មណ៍ដែរ ក្រោយរៀបឯកសារទុករួច ពេក៏ឡើងមកគេងតាមក្រោយ
សៃហ្វៀងាកមកសម្លឹងមើលប្ដី ដែលគេងឆ្ងាយពីនាងចង់មួយម៉ែត្រ នាងសសៀតៗខ្លួន ទៅគេងក្បែរគេ ចង់ប៉ះប៉ូវកាលពីយប់មិញ នាងមិនត្រឹមតែប្រកែក នៅសម្លដីខ្លាំងដាក់គេទៀត
" ដកដៃ!" សម្ដីមាំ ប្រាប់នាងភ្លាមៗ ពេលដៃរវាមរបស់នាង លើកមកអោបត្រកៀករបស់គេ គេមិនចង់ឲ្យនាងប៉ះចំណុចទន់ខ្សោយរបស់គេ ព្រោះខ្លាចខ្លួនឯងទប់ចិត្តមិនបាន ឌ្វើអ្វីលើសលួសនាំឲ្យនាងប្រកែកនឹងគេទៀត
" លោកខឹងនឹងខ្ញុំ...កាលពីយប់នោះមែនទេ?" នាងងើយសម្លឹងមើលមុខបុរសដែលមានពុកចង្ការតិចៗ ពោលពាក្យស្រទន់ទៅកាន់គេ
" ........" អុីរាំងស្ងាត់មាត់ ពេលនាងរំលឹកដល់ពេលនេះ មិនមែនទេខឹងនឹងនាង គេគ្រាន់តែអន់ចិត្តនឹងខ្លួនឯង ដែលមិនអាចធ្វើអ្វីមួយដែលនាងពេលចិត្តនឹងធ្វើ!
" ខ្ញុំស្អាតបែបនេះលោកដាច់ចិត្តខឹងដែរមែនទេ?" កាយវិការម្ញិកម្ញក់កើតឡើងភ្លាមៗទៅលើនាង ដៃតូចៗចាប់ស្ទាបអង្អែលដើមទ្រូវរបស់គេចុះឡើង ជាការលួងលោមប្ដី នាងមិនចង់ឃើញគេបែបនេះ នាងមិនចង់ឃើញគេប្រងើយដាក់នាង រឹតតែមិនចង់ឃើញគេឆ្ងាយពីនាង!
" ម៉ាក់ខ្ញុំមិនដែលប្រាប់នាងទេមែនទេ...ខ្លួនជាស្រីកុំធ្វើកាយវិការបែបនឹង!" គេចាប់ដៃនាងជាប់ ពេលកាន់តែប្រងើនដាក់រាងកាយគេ!
" ចុះហេតុអីលោកស្ទាបអង្អែលរាងកាយខ្ញុំបាន?" នាងក្រោកអង្គុយ ដាក់សំណួរសួរទៅកាន់គេភ្លាមៗ ព្រោះចង់ដឹងដូចគ្នា គេអាចធ្វើបានដាក់នាង ចុះហេតុនាងមិនអាចធ្វើបានដាក់គេនោះ?
" ព្រោះខ្ញុំជាប្ដីនាង...!"
" ព្រោះលោកជាប្ដីទើបធ្វើវាបាន...ចុះខ្ញុំជាប្រពន្ធហេតុអីធ្វើមិនអាច?" មាត់និយាយតែដៃនៅតែរវាម អង្អែលទ្រូងគេចុះឡើងៗ ដល់គេទ្រាំស្ទើតែមិនបានហើយ។
" សៃហ្វៀ! ខ្ញុំចង់គេង" គេចាប់ដៃនាងម្ដងទៀត បញ្ឈប់មិនឲ្យនាងប្រហើនដាក់គេ
" លោកខឹងនឹងខ្ញុំមែនទេ? សុំទោសយប់នោះ...ដែលនិយាយធ្វើឲ្យលោកពិបាកចិត្ត! " សៃហ្វៀក្រោកអង្គុយបតជើង ពោលពាក្យសុំទោសទៅកាន់បុរសដែលកំពុងតែសម្លឹងមើលមកនាងដូចគ្នា
" គេងទៅ...កុំនិយាយច្រើនធុញណាស់!" អុីរាំងបែរខ្នងដាក់ ពេលនាងរំលឹកដល់រឿងថ្ងៃនោះ សៃហ្វៀមុខចាប់ផ្ដើមស្រពោនភ្លាមៗ ពេលដឹងថាគេនៅតែខឹងនឹងនាង
នាងតូចប្រាស់ខ្លួនគេងដូចគ្នា នាងគេងសម្លឹងមើលទៅខ្នងរបស់គេ គេកាន់តែប្រងើយ នាងកាន់តែមានអារម្មណ៍ថាខុសចំពោះគេ ស្អប់ខ្លួនឯងដែលតែងតែមានមាត់និយាយមិនចេះគិត។
" ឈប់ខឹងបានទេ...លើកក្រោយខ្ញុំមិននិយាយបែបនឹងទៀតទេ!" ដៃតូចៗសសៀតទៅអោបគេពីក្រោយ
ពោលពាក្យយ៉ាងកម្សត់ទៅកាន់គេ អុីរាំងស្ងាត់មាត់បន្តិច ពេលឃើញនាងស្ងាត់យូរទើបគេគេងប្រែខ្លួនមករកនាងវិញ
" ចេះនិយាយអីក្រៅពីសុំទោសទេ?" គេជ្រួញចិញ្ចើមដាក់ គេមិនបានខឹងខ្លាំង គ្រាន់តែគេមិនចូលចិត្តនាងនិយាយពាក្យនឹងដាក់គេមែន
" ចុះលោកចង់បានអី?" នាងមិនដឹងគេចង់បានអី មានតែសួរគេវិញថាគេចង់បានអីពីនាង!
" ស្អីក៏យក...ឲ្យតែជារបស់នៅលើខ្លួននាង!"
_________
បើចឹងៗអីហ្នឹង...យ៉ាប់ណាស់ប្រូរាំងនេះ🙂