Let Me Hate You First [ISWAH Part 1] Completed

Ellaine

"HOW about my princess?"

Napatigil ako sa kinatatayuan ko para bang napako ang mga paa ko rito.

Tama ba ang naririnig ko? Anong sinabi niya? My princess? Bakit iyon pa?

"And I will be your knight," sabi nito.

Bigla na lamang kumalabog ang dibdib ko na para bang siya 'yung hinahanap ko. Hindi naman siya 'yun, siguro nagkataon lamang na sinabi niya iyon.

Malay niya ba 'yon.

Pero ano 'yun, coincidence lang? Oo, coincidence lang siguro 'yon. Siguro masiyado ko binibigyan ng kahulugan ang lahat-kaya ako nasasaktan. Ang t*nga ko talaga!

Saka isa pa, si MJ na 'yung umamin na siya ang knight in shining armor ko.

Lumingon naman ako sa kaniya at lumapit. Pinanliitan ko siya ng mata. Kung wala lang talagang mga tao rito sa lugar na ito, bubugbugin ko talaga siya.

"Aha, you are being spontaneous huh, you want to kiss me across this crowded room—" Piningot ko ang tainga niya dahil sumosobra na siya.

Damn it! Nanggigigil ako sa kanya!

"Ayan ang dapat sa 'yo! Napaka assuming mo talaga!" Saka ko binitawan ang tainga niya. Namula talaga tainga nito, pulang pula.

"You hurt me," he murmured then he left me.

Siya pa ang may ganang magalit! Ang kapal talaga ng mukha niya! Eh, kung makaasar siya riyan, malamang na mapipingot ko ang tainga niya. Nakakapikon siya eh.

At teka, tama ba ang pagkakarinig ko kanina? Sinaktan ko siya? Marapat lamang 'yong pingot ko sa kaniya, dahil mas masakit ang dinulot niyang sakit sa akin. Hindi man pisikal, kundi ito'y emosyonal.

Kapal talaga ng mukha!

Bahala na nga siya sa buhay niya maghahanda na lang ako para sa party mamaya.

Naalala kong kailangan pa lang naka swimwear pero hindi ako magsusuot ng ganoon 'no! Tamang high waist shorts at tops na pang swimming na lang ang susuotin ko mamaya.

Napadaan muna ako sa kusina para tingnan kung ano na ang nangyari sa ginawang cake ni Alexia. Halos lumuwa ang mata ko dahil sa nakita kong cake. Wala pa siyang design, pero promise saglitan lamang kay Alexia ang paggawa ng cake.

Masasabi ko na lamang sa isip ko, ang galing!

May ginawa pa itong cupcakes kaya lalo akong namangha.

"Ate Ell!" Sabay kaway pa nito sa akin. "Malapit ng matapos ang cake! Thanks to Baby Enzo, napadali ang pastry works namin." Sabay turo niya kay Kian na ngayo'y nagba-bake ng cupcake.

Napatingin naman sa akin si Kian.
"Oo nga Ate! Thanks to Ate Alexia, sobrang galing niya," sabi ni Kian.

"Masaya ako na natulungan mo kami Alexia. Sige, alis muna ako."

Umalis na ako sa kusina at nag-tungo sa aking kwarto.

MARAMI nang nagsidatingang bisita rito sa bahay namin. May ibang hindi naman invited, pero ayos lang kay Kian. Pumayag naman si Kian na makapasok sila dahil naglulupasay na sa harapan ng bahay namin para makapasok lamang. They're badly want to see Kian even Kuya Kaizer and his friends.