Let Me Hate You First [ISWAH Part 1] Completed

Ellaine

MAKALIPAS ng isang araw, after ng issue kay Kuya, nag-release ang team nina Jamie ng balita at sinasabi rito na fake news ang pagiging gangster ni Kuya. Sign na 'yon na tapos na ang problema at nakatago pa rin ang sikreto nila. Hanggang doon na lang ang sikreto nila, pero nababahala ako na paano kung hindi pala? Walang sikretong hindi nabubunyag.

Sa pagkakataong ito, kahit tapos na ang issue kay Kuya, nariyan pa rin si Adamiyn sa paligid.

Hindi mo man nakikita, pero delikado, pero salamat kay MJ a.k.a Knight in Shining Armor, lagi akong naliligtas sa kapahamakan. Kaya nga pupunta ako sa kanya para personal na magpasalamat. Ngayon talaga ay naniniwala na ako na siya si Knight in Shining Armor, pero bakit iba ang sinasabi ng kutob ko kaysa sa pag-iisip ko?

Habang tinatahak ko ang daan bigla akong nakaramdam ng kakaibang kaba at parang naramdaman ko na ito noon.

Oo, 'yung time na magco-confess ako kay Zander.

Buti na lang at hindi ko iyon naituloy dahil kapag umamin ako wala pa rin siyang pakialam sa nararamdaman ko. Hayun ang pinakamasakit na part, 'yung ma-reject ka. Ilang tao na lamang ang matatapang ngayon at naoovercome ang rejection.

Pero iba talaga kasi siya eh, wala kasi talaga siyang puso.

"Niloloko ko nga lang siya, 'di ba't nagpustahan ulit tayo na lokohin si Ellaine? Bakit ba pinagsisiksikan n'yo ako sa taong cheap na tulad niya?"

"Tongek, mukha kasing totoo na 'yon eh. Sabi-sabi nga, niligtas mo nga raw siya bilang Knight in Shining Armor niya kuno."

Napatigil ako nang saglit noong narinig ko ang usapan nila. Hindi ko maikilos ang paa ko dahil sa narinig ko. Para rin bang tinutusok ang puso ko ng unti-unti at nagsisimula ng tumulo ang mga luha ko. Napatakip ako sa bibig ko at unti-unting humikbi. Once a manloloko is always manloloko at hindi na magbabago 'yon.

"Lol, hindi ako⁠—"

Nagpakita ako kay MJ at naroon ang mga kaibigan niya saka si Remi na nakangisi. Hindi na naman mababago ang pakikitungo ni Remi sa akin. At the first place, alam niya na pala ang lahat pero mas pinili niya pang magalit sa akin kaysa maging maayos kami. Grabe, pinagmumukha talaga nila akong tanga.

Kaya ayaw ko maniwala eh, poor Ellaine. Nauto ka na naman, Ellaine.

"Bakit ka naiyak? Narinig mo ba? Masakit 'no?" tanong ni Remi sa akin.

Hindi ko lang matanggap na dalawang beses ako niloko ng lalaking ito. Ang sakit niyon, ang sakit. Lokohin kaya ako ng paulit-ulit, 'tapos 'yung taong pinaniniwalaan mong si Knight in Shining Armor pa 'yung nanloko, e 'di acting lang din ba 'yung pagligtas niya sa akin!?

Bakit ba ako niloloko!?

"It's all a prank at nagpadala ka naman," sabi ni Remi. "Kahit kailan hindi ka magugustuhan ni MJ. He likes me more than you, cheap girl."

Napasinghap ako ng hangin at ibinuga 'yon para maglabas ng hinanakit. Wala akong pake sa kung sinuman ang magustuhan niyan. Ang gusto kong malaman ay kung talagang siya si Knight in Shining Armor, if he is, then I will stop communicating to that freaking mysterious guy.

"Sabihin mo nga sa akin ang totoo, ikaw ba si Knight in Shining Armor?" Sinikap kong huwag magwala ang aking luha na kahit anong oras papatak ito.

"Hindi," sagot niya at tuluyan na ngang pumatak ang aking luha.