Let Me Hate You First [ISWAH Part 1] Completed

Kaizer

"PACK your things now, Eice. We are going to Greece."

Nagulat ako sa sinabi ni Taba. Ano bang nakain nito at sinasabi ang ganitong bagay?

"Teka nga, nag-test ka na ba? Bakit hindi ka um-attend?"

"Yes Eice, I have already take my special test," Riella answered. "Actually, kanina pa ako nakapag-take ng test kaya pack your things we are going to Greece."

"Bakit tayo pupunta sa Greece?"

"Let me remind you, Eice, we must complete our assigned mission."

Ibig sabihin niyon talagang kailangan namin na magtulungan para makuha si Shawn at maging part siya ng Equinox.

"Si Kuya Z na raw ang bahala sa case mo about sa student council basta ang mahalaga raw, madala natin dito 'yung hinihingi ni Shawn."

Madali-dali na rin ang gagawin namin kasi mahirap nga naman na narito ako sa Pilipinas lalo na't naalala kong hindi pa naso-solve 'yung sa student council kaya pagkakatiwala ko na lang muna ngayon kay Zander ang lahat.

"Kung nagdadalawang isip ka dahil sa aasikasuhing papeles para sa pag-alis, don't worry, okay na ang lahat."

Hindi naman iyon ang iniisip ko. Isa ko pang inaalala ko 'yung mga kapatid ko baka magtaka 'yung mga 'yon kung bakit wala ako. Lalo pa na magse-sembreak kami sa Batangas.

"You really hesitate because Ellaine and Kian might be looking for you, right?" Zander asked kaya naman napatingin ako sa kanya. "And you'll stay in Batangas for this semestral break."

"Sasama kaming tatlo sa Batangas at kami na ang bahala kina Kian at Ellaine!" pagpresinta ni Vhan. "Kung iyan lang ang pinoproblema mo e 'di solve na! Tutal wala naman kaming ginagawa sa bahay."

"Salamat," sabi ko.

Nagpapasalamat ako dahil may mga kaibigan akong maasahang tulad nila. Ibang klase talaga sila.

KINUHA ko ang phone ko at tiningnan kung sino ang natawag at si Riella.

"One week tayong mawawala kaya pang-one week na gamit ang dalhin mo saka diretso airport ka na."

"Oo na, bakit ka ba napatawag?" tanong ko.

"Huwag mong sasabihin kina Ate Ell na sa Greece tayo pupunta."

"Bakit?" takang tanong ko.

"Itatanong 'yan ng mga kapatid mo for sure na kung saan ka pupunta at kapag sinabi mong pupunta tayo sa Greece, syempre magtatanong ulit sila na kung anong gagawin natin doon? 'Tapos ikaw naman na t*nga baka masabi mo pa ang mission natin tapos malalaman ang mission natin at hayun e 'di hindi na sikreto na gangster ka."

"Syempre hindi naman ako t*nga para sabihin 'yon sa kanila. Saka ano ang magandang idadahilan ko para roon?"

"None of my business now, mag-isip ka."

Call ended.

Lintek, kahit kailan talaga napakasungit niya sa akin.

"Kuya, bakit naka-empake na kaagad ang mga gamit mo? Saan ka pupunta? Akala ko bukas pa tayo aalis?" Speaking of may nagtanong. Ang usisera kong kapatid, si Ellaine.