Let Me Hate You First [ISWAH Part 1] Completed

Vhan

HINDI ko na nagawang tumuloy sa loob ng players' room nang dahil sa nakita ko. Hindi ko sukat akalain na may kakaiba silang ginagawa sa mismong room pa na ito.

"I will come."

Namula ang pisngi ko nang narinig kong sinabi iyon ni Zander. Shit, ano bang klaseng utak ang mayroon ako?

"Ellaine!" tawag ni Kassedy, ang ka-teammate ni Ellaine. "A-Ah." Napatigil ito sa kaniyang kinatatayuan nang makita nito ang dalawa. "Ka-Kapag tapos na kayong dalawa, punta ka na sa line natin, magsisimula na ang laro!"

Pagkasabi niyang iyon, nagmamadaling umalis si Kassedy samantalang ako naman ay sumulpot at pinukulan sila ng nakakalokong tingin. "Kita ko iyon!"

Pulang pula ang mukha ni Ellaine na ngayon ay nakapagitan na kay Zander. Si Zander naman ay nakatingin sa akin na akala mo'y walang ginawang masama.

"Wa-Wala kaming ginawang masama!" kontra kaagad ni Ellaine kahit na hindi pa ako nagtatanong sa kaniya. "Ang dumi ng utak mo Vhan!" sigaw nito at nagmadaling tumakbo palabas.

Ako naman ay pumasok at nagpapalatak pa. "Wala sa kasunduan iyon ah," sabi ko. "Hidden agenda pala huh."

But then, as usual, he just ignored me and continue to walk outside. Kaya naman sumunod na ako kasi sigurado akong manonood siya ng laro nina Ellaine.

Habang naglalakad kami, nakasalubong naman namin sina Ethan at Vhan. Gayon din ang Empirions. Habang naglalakad kami, naririnig namin ang bulungan ng mga ito tungkol sa volleyball team ng Zage.

"Akala mo kung sinong magaling eh maliit naman."

"I don't know why they were very proud of their volleyball team even though mukha namang lampa katulad ni Salvador."

"Mukha ngang mga hampaslupa ang mga iyon, well, ang basketball naman nila, ang daming gwapo."

We didn't mind their chitchats kasi kahit magsasalita man sila, alam ko namang hindi matatalo sina Ellaine. Magaling kaya sila. Kaya pagkarating na pagkarating kaagad namin, ang dami ng humihiyaw. Kahit na hindi kami ang maglalaro, kami 'yung pinagkakaguluhan.

Pogi kasi kami eh.

Umupo kami roon sa bleacher na malapit sa bench ng aming pambato. Syempre, naroon din
sina Jamie, si Kian at Yayey Celia.

"Kuya Z!" bati ni Alexia kay Zander.

Tumingin lang si Zander kay Alexia at bumalik ang tingin sa court. Grabe, pati ba naman pinsan niya, sinusungitan. Napakasungit niya talaga! Kahit sa amin din eh, pero pagdating naman kay . . .

"Ayan na sila!" sabi ni Jamie. Ang crush ko! Para bang matutunaw ako nang dahil narinig ko ang boses niya.

"Hi, babe!"

"Gusto mong babengutan?"

Napa-pout ako nang dahil sa pagsusungit niya. Kahit kailan ang sungit din ng isang 'to sa akin.

Humarap na kami sa court at nakita ko na sina Ellaine sa pinakahuling pila.

"Ang akala ko, hindi sasama ang libero? Bakit kasama riyan si Bansot?" tanong ni Kaizer.