Let Me Hate You First [ISWAH Part 1] Completed

HATE ? FIFTY

"Aalis ako," sabi ko. "May pupuntahan lang ako ng saglitan lang."

"Sinong kasama mo?" tanong niya ulit. "Hmmmn, siguro kasama mo si Alexia 'no? Sabi niya kasi kasama mo raw siya sa pupuntahan n'yo. Ano namang gagawin n'yong dalawa?"

Ayan na nga ba ang sinasabi ko, talagang hindi ako makakaligtas sa mapang-usisa niyang mata. Kailangan ko makapag-isip ng palusot.

"A-Ano kasi . . ."

"May date kayong dalawa ng ilang araw 'no?"

"W-What? Hell no!"

"Kayo na siguro 'no? Kuya ah! Huwag ka ng tumanggi riyan! Binata na talaga si Kuya!"

"Oo na! Oo na! Kami na!" pag-sang-ayon ko. I have no choice kaya pumayag na lang ako.

"E 'di umamin ka rin, hayy! Kaya pala hindi siya makakasama sa bakasyon namin nina Jamie at Sharmaine eh! Oyy ah pasalubong ah!"

Yatap! Bakit sa lahat ng palusot 'yung magda-date pa? Siguro kailangan ko lang sumang-ayon sa kanya para nga hindi kami mabuking.

"What's going on here?" tanong Kian na kakatapos lang sa paglalaro ng Legends of Evergreen.

"Si Kuya kase bunso . . ." Sabay lapit ni Ellaine kay Kian. "Si Kuya may pupuntahan at kasama pa si Alexia."

"Bakit mo kasama si Ate Alexia?"

"Magda-date 'yung dalawa," sabi ni Ellaine. "Sila na raw pala kasi!"Issue talaga.

"Ayie! 'yung dalawa! Ingat kayo ah! Hindi mo man lang sinabi sa amin na kayo na pala ni Ate Alexia!" sabi sa akin ni Kian. Heto talagang mga batang 'to talaga!

"Bakit parang pang ilang taon 'yang dala-dala mo Kuya?" tanong na naman ng usisera kong kapatid.

"Malamang . . ." sabi ko. "One week akong mawawala 'tapos diretso Batangas na ako."

"Sige, pero sinong kasama namin sa Batangas?" tanong niya ulit. Ang kulit talaga.

"Syempre sina⁠—"

Uh-oh! Sasabihin ko kayang kasama sina Vhan? Huwag na muna siguro at hahayaan ko na lang na ma-surprise sila kapag nakita ang mga kaibigan ko. Great idea 'to.

"Malamang si Yayey at saka si Kuya Jonas," sabi ko. "Aalis na ako at babalik ako after one week," sabi ko sabay kuha ko ng maleta.

"Bye, ingat Kuya."

PAGKARATING ko sa airport, dumiretso ako sa departure hall at umupo muna ako para intayin si Taba. Nakakainis kasi kanina pang nakaalis ang eroplano papuntang Greece 'tapos wala pa siya rito.

Masyado siyang mabagal!

Hindi na ako nakapagtimpi kaya kinuha ko na ang phone ko para tawagan siya.

"Nasaan ka na?"

"Ungas ka ba? Kanina pa ako narito sa NAIA para hintayin ka! Masyado kang matagal sigurado akong nagpapa-gwapo ka na naman, tsk," she said.

Napalingon ako dahil alam kong nasa malapit lang siya. Lintek, siya pala 'yung babaeng dinaanan ko kanina.

"What the hell are you doing Eice? Kanina pa akong nagiintay rito, nanrito ka lang pala."

Pagkatapos niyon, binaba niya ang phone niya at umirap. Napakunot naman ako noo nang makita ko ang kabuuang suot niya. She's wearing eyeglasses and white long sleeves.

"Taba?"

Sa muling pagkakataon, inirapan niya ulit ako at lumapit sa akin. Siya nga.

Nakakapagtaka kasi kakaiba ang naging suot nya at porma ngayon. Hindi ko aakalain na magga-ganito siya at para saan ba itong ginawa niya? Masyado siyang losyang.