Alpha က သည်းခံနိုင်ခြင်းမရှိတော့ဘဲ ကောင်ငယ်လေးကိုဆွဲပွေ့လို့ မျက်နှာသစ်စင်က မှန်ရှေ့ချပေးလိုက်တယ် ။
အဲ့ဒါဘယ်သူလဲ ။ နောက်မှာသခင်လည်းရှိနေတယ် ။ ထုထုကဘယ်ပျောက်သွားလဲ ။ ထုထုမျက်လုံးမှေးပြီးသခင့်ပေါ်ခုန်တက်လိုက်တယ် ။ ဒါပေမဲ့သခင့်ပေါ်ရောက်သွားတာ အဲ့သည့်လူ ။
"သခင့်ပေါ်ကဆင်းစမ်း ကိုက်ပစ်မှာနော "
Alpha က မျက်ခုံးပင့်သွားတယ် ။ Sean က သူ့ကိုသခင်လို့ခေါ်တာပေါ့လေ ။ သူ့ကိုယ်သူ ထုထုလို့ခေါ်တယ် ။ ယခုထိ မိမိထက် ပိုအလင်းပျောက်နေတဲ့ ကောင်ငယ်လေးကိုသူခပ်ဖွဖွနမ်းလိုက်တယ် ။ ထုထုပါးမှာနွေးထွေးသွားပေမဲ့ မှန်ထဲမှာတော့သခင်ကထိုသူကိုနမ်းနေခဲ့ဖြစ်ပါတယ် ။
"Sean စကားတွေပြောနေတာသတိထားမိရဲ့လား "
လည်တိုင်ကို နှာခေါင်းနဲ့အသာထိကပ်ရင်းမေးတော့ လူဖြစ်နေတဲ့သူ့ယုန်က ပါးစပ်ဟသွားတယ် ။
"ဟာ "
"အဲ့ဒါ Sean အခုဖြစ်နေတဲ့ပုံပဲ "
"ဟာ "
"အင်း Sean လူဖြစ်နေတယ် "
"ဟာ "
"ဟာ တဲ့ "
"ဟာ"
ယုန်ပုံစံနဲ့ချစ်စရာကောင်းသမျှအပြုအမူတွေက အခုမျက်နှာလေးမှာတော့အူယားဖွယ် ဟာသရုပ်ကလေး ။ Alpha ဟာ ကောင်ငယ်လေးက သူ့ယုန်ဆိုတာကိုလက်ခံနိုင်သွားပြီး တနူးတညံ့ဖြစ်လာတယ် ။
"နဂါးမီးတောက်တွေတက်နင်းမိလိုက်လို့
ဖြစ်မယ် "
အခြားယုန်တွေဆိုယုန်ကင်ဖြစ်သွားမှာဆိုပေမဲ့သူ့ယုန်ကပုံမှန်မဟုတ်တဲ့ယုန်ဖြစ်နေတော့ လတ်တလောအဖြေထုတ်ဖို့သူ့မှာတွေးမိတာမရှိဘူး ။
****
ထုထု သခင့်ရဲ့အဝတ်ကြီးကြီးဝတ်ရင်းစောင်အောက်ပုန်းနေတာ ။ စောင်ထိပ်မှာဂူဝလိုလေး
ဟထားရင်း ထုထုသခင့်ကိုချောင်းကြည့်နေတယ် ။ သခင်ကထုထုကိုပြန်ကြည့်လာပြီးမေးငေါ့ပြတယ် ။
"သခင်က ထုထုအနားမလာဘူးလား ထုထုအဖက်ခံချင်တာပေါ့ "
Alpha က နဖူးကုတ်လိုက်တယ် ။ သူ့ယုန်ကဘာမှန်းမသိသေးဘဲ သိပ်လှနေတော့ Omega ဖြစ်နေမှာစိုးရိမ်တယ် ။ သူ့ယုန်က သိပ်ကပ်တွယ်လွန်းတာမို့ မထိသင့်တာတွေထိမိ မှားမိပြီးကိုယ်ဝန်ရသွားမှာသူသိပ်ကြောက်တယ်လေ ။ ကလေးတစ်ယောက်မဖြစ်မနေသူလိုအပ်ပေမဲ့ သူ့ယုန်ကဘာကောင်မှန်းတောင် မသိတော့တာမို့ ကိုယ်ဝန်ရသွားပြီး အန္တရာယ် တစ်ခုခုဖြစ်လာမှာမျိုးသူလက်မခံနိုင် ။
YOU ARE READING
Xiao Tu Tu and Leo
FanfictionBJYX FANFICTION YIZHAN YIBO- GONG XIAO ZHAN-SHOU M-Preg
