Xiao Tu Tu and Leo

~24~

" Honey ...  စားဦးမလား "

စုံတွဲတစ်တွဲက ဆိုင်နားမှာရပ်ရင်း သစ်သီးတုတ်ထိုးအကြောင်းဆွေးနွေးနေတယ် ။ သူ့ယုန်က သူ့ပခုံးကိုကျော်ပြီး သူများအတွဲကိုစပ်စုနေတာမို့ ပြန်ဆွဲချရပါသေးတယ် ။ သူ့ယုန်က မေးကို
တဆတ်ဆတ်ခါမော့ပြရင်းဘာမေးချင်နေမှန်းမသိ ။

Alpha ကပခုံးတွန့်ပြပြီးခေါင်းခါလိုက်တယ် ။ သူတို့အလှည့်ရောက်ခါနီးတော့ ထုထုကိုအနွေးထည်ထဲထည့်ထားပြီးခေါင်းသာဖော်ခိုင်းထားတယ် ။ ပန်းသရဖူလေးကလည်းနားရွက်ကိုဖုံးထားတာမို့ ရုတ်တရတ်ယုန်အမျိုးအစားကိုလူတွေခွဲနိုင်မှာမဟုတ် ။

ရှေ့တစ်ယောက်ထွက်သွားတော့သူရှေ့တိုးပြီး မှာယူဖို့အသင့်ပြင်လိုက်တယ် ။ အဓိက စားမဲ့
လောဘအိုးထုထုက အကြီးဆုံးအသီးဖြစ်တဲ့ပန်းသီးကိုရွေးတယ် ။

"ဟေး... ကြီးတိုင်းမကောင်းဘူး ၊ အဲ့ပန်းသီးတွေက ပွတယ် ၊ အရမ်းမချိုဘူး "

ထုထုက ပန်းသီးတုတ်ထိုးကိုအကုန်ယူဖို့ချောင်းနေပြီးမှ ပြန်ချလိုက်တယ် ။ သခင်ကတော့အကြီးကြီးပေမဲ့ ရမ်းကောင်းတယ် ။ ထုထုကလည်းကြီးလေကြိုက်လေ သခင်ရဲ့ ။ သူကတစ်ဆိုင်လုံးမှာရှိတဲ့ အမျိုးအစားအစုံလိုချင်နေတာ ။ Alpha က အလိုလိုက်ပြီးဝယ်ပေးလိုက်တယ် ။ သူတစ်ကိုက်စီပဲကျွေးမှာပါ ။

သူတို့သစ်သီးတုတ်ထိုးတွေရလာတော့ စျေးတန်းဆုံးတဲ့ထိလှည့်ကြည့်လိုက်တယ် ။ အလည်အပတ်ပြီးတဲ့အခါ ပန်းလှေမျှောမဲ့မြစ်ကမ်းဘေးမှာနေရာရှာပြီး သစ်သီးတုတ်ထိုးကိုစားကြတယ် ။

Alpha က အချိုမကြိုက်ပေမဲ့သူ့ယုန်ကိုလည်းအများကြီးကျွေးဖို့မဖြစ်နိုင်တာမို့ တစ်ချောင်းကိုတစ်ကိုက်စီသာကိုက်ခိုင်းတယ်။ ယုန်လည်က တစ်ကိုက်ကိုက်ဖို့ပါးစပ်အကျယ်ကြီးပွင့်အောင်လက်တွေနဲ့ပါဖြဲထားပြီး တစ်လုပ်ကိုသစ်သီးနှစ်လုံးစီ ရအောင်ကိုက်ပါတယ် ။

" Sean ကိုယ့်ကိုညစ်တာပဲ ၊ ဒါကအရမ်းများတယ် "

ယုန်ကခါးထောက်ဗိုက်ကော့ထားရင်းသူ့ကိုမှေးတေးတေးနဲ့ပြုံးပြနေခဲ့ပါတယ် ။ မက်မန်းသီးလေးလုံးငုံထားတဲ့ပါးစုံ ဖောင်းဖောင်းကြီးတွေ
ပျောက်နေတဲ့လကိုထည့်ထားသလားပင်ထင်မှတ်ရတယ် ။ Alpha က ယုန်ကိုက်ထားတဲ့ သစ်သီးတုတ်ထိုးအကျန်တွေကိုစားလိုက်တယ် ။ ဝပြီထင်ခဲ့တဲ့သူ့ယုန်က သူ့ပါးစပ်ထဲရောက်နေတဲ့မက်မွန်သီးကိုလိုက်လုတယ် ။