Xiao Tu Tu and Leo

~69~

"သခင် "

"ကိုယ်တို့ဘယ်တော့မှမခွဲဘူး ၊ ပန်းလှေပွဲတော်ကျရင် မခွဲခွာရခြင်းပန်းလှေလေးတွေမျှောကြမယ် "

ပန်းလှေပွဲတော်ကနောက်သုံးလကြာရင်ရောက်မယ် ။ ပန်းလှေမျောရာမြစ်က ဝိဥာဥ်ကမ္ဘာကူးတံတားဝဆိုတာသူသိထားတယ် ။ သူ ဒီဘဝ ၊ ဒီကမ္ဘာနဲ့ လောကအရှင်ကပေးအပ်ထားသမျှစွန့်လွှတ်နိုင်သည် ။ သူမစွန့်လွှတ်နိုင်တာ ဒီကောင်လေးပဲ ။

လူတွေအကုန်လုံးရဲ့ကောင်းချီးပေးမှုထက် Sean ရဲ့ ခပ်ဆိုးဆိုးအော်သံလေးတွေကိုပဲသူမက်မောတယ် ။ တစ်လောကလုံးက ကျိန်ဆဲပါစေဦးတော့ သူ့ယုန်ပေါက်လေးသာရှိနေရင်ရပြီ ။

. . .

ထုထုတစ်နေကုန်အီလည်လည်လေးတော့ဖြစ်နေတယ် ။ သခင်ကဘာမှပြောမလာပေမဲ့ ထုထုစိတ်ပိစိလေးက ရမ်းရမ်းကိုလေးနေတာပဲ ။ အွန်း။

ထုထုလူပုံဖြစ်နေပေမဲ့ လက်ကလေးတွေကိုလျက်နေမိတယ် ။ သူယုန်ပုံစံနေရတာထက်
လူပုံစံကိုပိုသဘောကျပေမဲ့ အခုတော့ယုန်လေးသာဖြစ်ချင်နေမိတယ်လေ ။ သူ့တစ်ကိုယ်လုံးမှာစူးရှရှလေးဖြစ်နေတယ် ။ အမွှေးတွေနှုတ်ပစ်ပြီးနွေးထွေးအောင်လုပ်ချင်တာအရမ်းပဲ ။

ထုထုအိမ်လေးထဲသွားကြည့်ပြီး အိပ်နေတဲ့လင်းမြွေကိုနှိုးလိုက်တယ် ။ လင်းမြွေက သူ့ရဲ့မင်္ဂလာခေါင်းစည်းလေးကိုလည်ပင်းမှာစွပ်ထားရင်း နိုးမလာပါချေ ။

"အေ့နော်ထုထုမရှိရင် လင်းမြွေကို Sky စားပစ်မှာ အဲ့လိုဆိုးရင် သခင်ကလင်းမြွေကိုခေါ်ထားမှာမဟုတ်ဘူး "

လင်းမြွေက မရှိတဲ့နားရွက်ကိုမရှိတဲ့လက်နဲ့ပိတ်ပြီး သူ့အခွေထဲခေါင်းလေးစွက်ခနဲနှစ်ချလိုက်တယ် ။

"ပျင်းတာကွား "

ထုထု လင်းမြွေကိုနှိုးမရတာမို့ အခန်းပြင်ချောင်းကြည့်ပြီးဗိုက်လေးကော့တော့ကော့တော့နဲ့ အဆောင်ပြင်မှာတရားထိုင်နေတဲ့ သခင်ရှိရာထွက်လာလိုက်တယ် ။

"သခင် "

Alpha က ဖြန့်ကျက်ထားတဲ့ စွမ်းအင်တွေကိုပြန်စုစည်းပြီး မျက်လုံးဖွင့်လာခဲ့တယ် ။