My Cherry Will Explode in the Apocalypse 《Myanmar Translation》

??????? ?《??????????????????????》

" မင်းတစ်ယောက်တည်းအိမ်မှာ ကောင်းကောင်းမစားရဘူး။ အဒေါ်နဲ့လာပြီး အိမ်မှာလိုက်စားလိုက် "

၀မ်ရန် ..စုရွေ့ကျယ် သူ့အဖိုးအကြောင်းတွေးမိ၍ ဖြစ်ပေါ်လာသော သူ့မျက်လုံးများဆီမှ ၀မ်းနည်းမှုကို လျစ်လျူရှုမှုဖြင့် ခပ်မြန်မြန်အစားထိုးလိုက်သည်။

သူ့ရဲ့အတိတ်ဘ၀တုန်းက ခင်မင်ရင်းနှီးပုံရတဲ့သူ့အဒေါ်က သူ့ကိုညစာအတွက်အိမ်ကိုဖိတ်ခေါ်ခဲ့ပြီး ပိုပြီးကောင်းကောင်းမွန်မွန်စောင့်ရှောက်ပေးဖို့ အိမ်တွင်နေခွင့်ပြုပုံပေါ်ခဲ့သည်။ သူ့ဦးလေး၏မိသားစု အခြေအနေက အတော်လေးကောင်းမွန်ပြီး ဦးလေးနှင့်အဒေါ်တို့နှစ်ယောက်လုံးက ပြည်နယ်ပိုင်စီးပွားရေးလုပ်ငန်း*မှ ၀န်ထမ်းများဖြစ်ကြသည်။ အိပ်ခန်းသုံးခန်းနှင့် ရေချိုးခန်းတစ်ခန်းပါအိမ်ကို ထိုနှစ်အတွက်စာချုပ်ချုပ်ခဲ့ကြပြီး အခန်းက ကျယ်၀န်းက ပြတင်းပေါက်တွေက သန့်ရှင်းသပ်နေနေပြီး အဖိုး၏ နိမ့်ပါးလှသောအခန်းကျဉ်းလေးနှင့် အလွန်ကိုကွာခြားလှ၏။

【 T/N; state-owned enterprises ကို နိုင်ငံပိုင်အစား ပြည်နယ်ပိုင်လို့ရေးလိုက်တာပဲ ဟီးဟီး တရုတ်က ပြည်နယ်တွေခွဲထားတာဆိုတော့လေ 】

ပထမဆုံးအကြိမ်အဖြစ် ထိုကျယ်၀န်းသောအိမ်၌နေရပြီး သန့်ရှင်းသောအ၀တ်အစားများကို၀တ်ဆင်ရကာ နူးညံ့ပြီးသက်တောင့်သက်သာရှိလှသောအိပ်ရာ၌ အိပ်ဖူးခြင်းဖြစ်၏။ အရာရာတိုင်းက လှပနေပြီး လှပသောအိပ်မက်တစ်ခုလိုပင်။

နောက်ပိုင်း၌ အကြီးဆုံးအဒေါ်က အကြီးဆုံး၀မ်းကွဲ၏ကလေးများက ပိုကောင်းမွန်သောအစိုးရမူလတန်းကျောင်းသို့သွားချင်ကြောင်းပြောလာခဲ့သည်။ သူမက နံပါတ်တစ်အလယ်ကျောင်း၏တွဲဖက်မူလတန်းကျောင်းကို သဘောကျခဲ့သော်လည်း ကလေး၏ အိမ်ထောင်စုစာရင်းက ထိုနေရာ၌မဟုတ်ပေ။ သူတတ်နိုင်လျှင် ထိုကလေး၏ အိမ်ထောင်စုစာရင်းကို သူ့အဖိုး၏အိမ်၌ ထားစေချင်ကြောင်း သူမက သူ့ကိုမေးဖို့စိုးရိမ်နေခဲ့သေးသည်။

သူ့အဖိုး၏ အိမ်က ယိုယွင်းနေပြီဖြစ်သော်လည်း ‌တည်နေရာကတော့အဆင်ပြေသည်ကို စုရွေ့ကျယ် မှတ်မိခဲ့သည်။