My Cherry Will Explode in the Apocalypse 《Myanmar Translation》

??????? ?《??????????????????????》

အဖိုးဆုံးပါးပြီးနောက် ထိုယိုယွင်းပျက်စီးနေသော အိမ်ကလေးသည်သူ့အပိုင်ဖြစ်လာပြီး သူကအိမ်ထောင်ဦးစီးဖြစ်လာခဲ့သည်။

ထိုအချိန်က သူသည်အသက်တစ်ဆယ့်ခုနစ်နှစ်အရွယ် ကလေးတစ်သောက်သာဖြစ်ချေသေးသည်။ တစ်ဖန်ပြန်အချစ်ခံရပြီဟု သူတစ်ကယ်ကိုထင်ခဲ့သည်။ သူ့အဒေါ်အိမ်၌နေထိုင်ခဲ့ရသော နေ့ရက်များသည် သူ့ဘ၀၌အကောင်းဆုံးနေ့ရက်များဖြစ်ခဲ့သည်ကိုတော့ သဘာ၀ကျကျ သူတစ်ကယ်ကို သံသယမရှိခဲ့ လက်ခံခဲ့ပေသည်။

ထိုနောက်ပိုင်းတွင် သူ့အဒေါ်ကလည်း သူ့အပေါ်ပို၍ကောင်းမွန်ပေးလာခဲ့သည်။

သူ့၀မ်းကွဲအကြီးဆုံးက အစိုးရဌာန၌အလုပ်လုပ်နေပြီး သိပ်မကြာခင်မှာပင် သူ့တူလေး၏အကောင့်ကို သူ့အဖိုး၏အိမ်သို့ပြောင်းရွှေ့ခဲ့ပြီး ၀မ်းကွဲအကြီးဆုံးနှင့် အကြီးဆုံးမရီး၏အကောင့်နှင့်ပင် ချိတ်ဆက်ထားခဲ့သည်။ နောက်ဆုံးမှာတော့ အကြီးဆုံးအဒေါ်က သူကအိမ်ထောင်ဦးစီးဖြစ်ရန်ငယ်ရွယ်လွန်းပြီး ထို့ကြောင့်ပင် အိမ်ထောင်ဦးစီးကပြောင်းလဲသွားသည်ဟု ပြောခဲ့သည်။

နောက်ပိုင်းမှာတော့ အဖိုး၏အိမ်ခန်းသည် စီးပွားရေးနှင့်သက်ဆိုင်သောအိမ်* မဟုတ်ပဲ အစိုးရငှားရမ်း‌ပေးသောအိမ်ဖြစ်ကာ အသုံးပြုလို့သာရပြီး ပိုင်ဆိုင်ခွင့်မရှိကြောင်း စုရွေ့ကျယ်သိခဲ့ရသည်။ ပြန်ရောင်းဖို့မဟုတ်ပဲ ဖြိုဖျက်ဖို့တစ်ခုတည်းသာမျှော်လင့်နိုင်သည်။ ဦးလေးက ထိုအိမ်ကိုဖြိုဖျက်ဖို့အကြောင်းနှင့်ပတ်သတ်၍ကြားခဲ့ပြီး ထိုအကြောင်းကြောင့်ပင် သူ့အဒေါ်က သူ့ကိုသူတို့နှင့်နေရန်ပြန်ခေါ်လာခဲ့ခြင်းဖြစ်သည်။

【 T/N ; ရောင်းလို့ရတဲ့ကိုယ်ပိုင်အိမ်မျိုးမဟုတ်ပဲ အစိုးရကစီးပွားရေးမကောင်းတဲ့ သက်ကြီးရွယ်အိုနဲ့ အိမ်ခြေမဲ့တွေဖို့ ဆောက်ပေးထားတဲ့ အဆောင်တန်းလျားမျိုးဖြစ်မယ်ထင်တယ်။ 】

ထိုဖြိုဖျက်ရန်အကြောင်းကြားစာက သိပ်မကြာခင်မှာပဲရောက်လာခဲ့သည်။ ဖြိုဖျက်သည့်လျော်ကြေးငွေကို လူအရေအတွက်အလိုက်ခွဲပေးခဲ့ပြီး လူတစ်ဦးလျှင် ယွမ်* ထောင်ပေါင်းရာနှင့်ချီပြီးရခဲ့ကြသည်။ လူတိုင်းကထိုငွေကိုရခဲ့ကြပြီး စုရွေ့ကျယ်လည်းပဲ စုစုပေါင်း 300,000 ရခဲ့သည်။ အကြီးဆုံးအဒေါ်က သူကကလေးသာရှိသေးပြီး သူကလည်း သူတို့အိမ်တွင် နေထိုင်စားသောက်သောကြောင့် ထိုငွေများကိုမလိုအပ်သည်မို့ သူမက အရင်စုထားပေးမည်ဟုပြောခဲ့သည်။