My Cherry Will Explode in the Apocalypse 《Myanmar Translation》

??????? ? 《????????? ?????????????》

တစ်ဆက်တည်းပင် စုန့်ချန်ရှုသည် ဆားရည်နှစ်ထုပ်ကိုထုတ်လိုက်ကာ ယောင်ယမ်းမှုသက်သာစေသောဆေးများထည့်လိုက်ပြီး ကျန့်ယွင်၏အကြောထဲသို့သွင်းပေးလိုက်၏။

“ဒဏ်ရာက ခင်ဗျားအတွက် အရေးကြီးတယ်။ ဒဏ်ရာကအတော်လေးကြီးလို့ ကျွန်တော်အဲ့ဒါကိုချုပ်ထားပေးပေမယ့် အချိန်တိုအတွင်းလှုပ်ရှားဖို့တော့ အကြံမပေးဘူး ”

စုန့်ချန်ရှုစကားပြောလို့ပြီးသွားချိန်တွင် စုရွေ့ကျယ်အားကြည့်လိုက်ပြီး တောင်းပန်စကားဆိုလိုက်၏။

“မင်းကိုဒုက္ခပေးမိမလားမသိပေမယ့် သူ့ကိုမင်းအိမ်မှာ ရက်နည်းနည်းလောက်နေခွင့်ပြုလို့ရမလား? ”

တကယ်တော့ သူ့ပါးစပ်ကိုအခုလိုဖွင့်ပြောဖို့အတော်လေးရှက်နေမိ၏။ စုရွေ့ကျယ် မိသားစုအခြေအနေအတော်လေးမကောင်းကြောင်း တစ်ချက်လေးကြည့်လိုက်ရုံနှင့်သိနိုင်၏။ သူ့မိသားစု၀င်တွေက ဒီအကြောင်းမပြောခဲ့ပေမယ့် သူ့ကံကအတော်လေးဆိုးလှ၏။ သူက အခုမှ ဆယ်ကျော်သက်အရွယ်တစ်၀က်လောက်ပဲရှိသေးသော်လည်း သူ့အားစောင့်ရှောက်ရန် မိသားစု၀င်တစ်ယောက်မှမရှိတော့ပေ။ အကယ်၍ကျန့်ယွင်နေမည်ဆိုလျှင် ဒဏ်ရာအားပြုစုစောင့်ရှောက်ပေးရန်တာ၀န်သည် စုရွေ့ကျယ်အပေါ်၌သာ လုံးလုံးလျားလျား ကျရောက်လာတော့မည်ဖြစ်သည်။

သို့သော်လည်း စုန့်ချန်ရှုတွင် အခြားရွေးချယ်စရာမရှိပေ။ ပထမဆုံးအချက်၊ ကျန့်ယွင်၏ထိခိုက်ဒဏ်ရာသည် လှုပ်ရှားမှုတစ်ခုခုလုပ်ရန်အမှန်တကယ်ကိုလုံး၀မသင့်လျော်ပေ။ ဒုတိယအချက်၊ သူ့အချက်အလက်သည် ဖုံးကွယ်ထားပြီး သူဘာကြောင့်ရုတ်တရက် ဖော်ထုတ်ခံလိုက်ရသည်ကိုမသိရသေးပေ။ အတွင်းလူကြောင့်လား မဟုတ်ဘူးလား မသေချာသေးပေ။ မာဖီးယားအဖွဲ့များသည် ကျန့်ယွင်၏အချက်အလက်များဖော်ထုတ်လိုက်ပြီး လှုပ်ရှားမှုများ အဆက်မပြတ်စတင်လာကြ၏။ ကျန့်ယွင်သည် ဖော်ထုတ်မပြနိုင်သော အဖြူအမဲ အခြေအနေတွင်ကျရောက်နေပြီး ဤကိစ္စနှင့်မသက်ဆိုင်သော စုရွေ့ကျယ်၏အိမ်တွင်နေထိုင်သည်က ပို၍အန္တရာယ်ကင်းပေသည်။