My Cherry Will Explode in the Apocalypse 《Myanmar Translation》

??????? ? 《????????? ?????????????》

“ဒီရက်တွေမှာ မင်းကိုဒုက္ခဖြစ်စေရတော့မယ် ”

“ဒုက္ခမဟုတ်ပါဘူး ဒုက္ခမဟုတ်ပါဘူး....”

စုရွေ့ကျယ်၏မျက်နှာသည် ရုတ်တရက်ပင် အနီရောင်သို့ပြောင်းသွားတော့၏။

အရမ်းရှက်နေတာလား? ဒီကလေးကအရမ်းချစ်ဖို့ကောင်းတာပဲ....

ကျန့်ယွင်ကော စုန့်ချန်ရှုပါ တစ်ချိန်တည်းပင် ထင်မိလိုက်ကြ၏။

စုန့်ချန်ရှုသည် ယောင်ယမ်းသက်သာစေသော ဆေးများကို ရက်များစွာအတွက်ထားခဲ့လိုက်ပြီးနောက် ထွက်သွားလိုက်သည်။

“မင်း....”

ကျန့်ယွင်စကားတချို့ပြောချင်ခဲ့သော်လည်း စုရွေ့ကျယ်က ကြောက်လန့်နေသောယုန်တစ်ကောင်ကဲသို့ထွက်ပြေးသွား၏။

“ကျွန်တော် ကျွန်တော် ကျွန်တော် ....ကျွန်တော်ဆေးကြောလိုက်အုံးမယ်”

ကလေး၏ထစ်ထစ်အအစကားများ အဝေးမှထွက်လာ၏။

ကျန့်ယွင် ကလေးစကားပြောချိန်တွင် နီရဲနေမည့်ချစ်စရာမျက်နှာလေးကိုပင်မြင်ယောင်နိုင်လုနီးပါးပင်။ သူရယ်မောလိုက်ရင်း ခေါင်းခါလိုက်ကာ ချစ်စရာကောင်းပြီးရိုရှင်းသော ကောင်လေးအား နည်းနည်းပင်အချစ်ပိုလာရတော့၏။ စုရွေ့ကျယ် သူ့တကိုယ်ရည်တကာယပြဿနာများအား ပျံ‌နေသကဲ့သို့ အလျင်ဖြင့် ဖြေရှင်းလိုက်၏။ ထို့နောက်အခန်းထဲရှိဇလုံထဲသို့ရေပူထည့်ကာ စိတ်လှုပ်ရှားမှု ရှက်ရွံ့မှုများဖြင့် စိတ်ခုန်စွာပြောလိုက်၏။

“ကျွန်တော့်ကို ကူညီသန့်ရှင်းပေးခွင့်ပြုမလား? ”

ကျန့်ယွင်၏ကိုယ်တွင် သန့်ရှင်းရမည့် သွေးစက်များ များစွာကျန်နေသေး၏။ မဟုတ်လျှင် ဘက်တီးရီးယားများအလွယ်တကူကူးစက်နိုင်ပေသည်။

“မင်းကိုအနှောက်အယှက်ပေးရတာ အားနာပါတယ်”

စုရွေ့ကျယ် သူ့ဂျင်းများအားချွတ်ပေးလိုက်ပြီး သူ့ခန္ဓာကိုယ်အား ဂရုတစိုက်သုတ်သင်ပေးလိုက်၏။ သူ့ရဲ့သန်မာလှသော ခန္ဓာကိုယ်ပုံပန်းသွင်ပြင်ကိုမြင်လိုက်ချိန်တွင် သူ့မျက်နှာသည် သွေးထွက်လာလုနီးပါး ရှက်သွေးဖြာသွားရတော့ပြီး ကမန်းကတန်းပင် စောင်အပါးလေးတစ်ခုကိုယူကာ ကျန့်ယွင်အားဖုံးပေးလိုက်ရ၏။