My Cherry Will Explode in the Apocalypse 《Myanmar Translation》

??????? ??《?????????????????????》

ထိုအမဲသားတောက်တောက်အခြောက်များသည် အစားအိမ်အား လုံး၀ဖြည့်ရန်မလုံလောက်ပေ။ သို့သော်လည်း သူ၎င်းကိုမစွန့်လွှတ်လိုက်နိုင်ပေ။  သူ တိုက်ရိုက်ပင် သူ့ပါးစပ်ထဲသို့ပစ်ထည့်လိုက်ကာ နှစ်ကြိမ်မျှ ဝါးစားလိုက်၏။ ၎င်းသည် အတော်လေးအရသာရှိ၏။

ထို့နောက်သူ ချောကလက်ချောင်းအနည်းငယ်ကို သူ့အိတ်ကပ်ထဲမှ ထုတ်ယူလိုက်ကာ ကျန့်ယွင်အားပေးလိုက်၏။ သူ့အင်္ကျီအိတ်ကပ်များသည် အလွန်သေးငယ်ကြသည်။ သူ့တိတ်ကပ်ထဲမှ တခြားအရာများပိုထုတ်လိုက်ပါက မေးခွန်းများအလွန်မြင့်တက်လာနိုင်သည်။ နောက်ဆုံးမှာတော့ အပြင်လူများရှိနေသေးသည်လေ။

ထို့ကြောင့် စုရွေ့ကျယ်သည် စားစရာအချို့နှင့် ခင်းဖို့ဖျာတစ်ခု သူတို့အထွက်ထားခဲ့ဖို့ ရည်ရွယ်လိုက်သည်။ အပြင်ဘက်ရှိ ဖုတ်ကောင်များ အစုခွဲသွားကြပြီးနောက် သူတို့ထွက်သွားနိုင်ပြီး သူတို့ပြန်ရောက်သည့်အခါ စားချင်သည့်အရာများကို သူတို့စားနိုင်သည်။

သူ့အဖွဲ့သည် မည်သည့်အမြင်မှ မရှိကြပေ။ သူတို့သည် ချောကလက်ချောင်းများကိုယူလိုက်ပြီး တိုက်ရိုက်ပင် စားလိုက်ကြ၏။

စုရွေ့ကျယ် ချောကလက်တစ်ချောင်းကိုသာ ဆံပင်ရှည်အမျိုးသမီးနှင့် သန်မာသာလူအား‌ကမ်းပေးလိုက်သောအခါ ဆံပင်ရှည်အမျိုးသမီးသည် ငြင်းဆန်လိုက်၏။

“ငါ့အတွက် အစားအစာကို မဖြုန်းတီးပါနဲ့....”

အမျိုးသမီးသည် သန်မာသောအမျိုးသား၏လက်များကြားတွင်ထိုင်နေပြီး ၀မ်းနည်းစွာရယ်ရင်း စုရွေ့ကျယ်အားခေါင်းခါပြလိုက်၏။ သူမသည် သူမဘောင်းဘီ ခြေထောက်ကို သူမအားနေသောလက်ဖြင့်လှန်တင်လိုက်ပြီး သူမ၏ခြေထောက်ဖြူဖြူ‌တွင် ကုတ်ခြစ်ရာသုံးခုရှိနေ၏။ ၎င်းသည် သူမလေထဲတွင် တွဲလောင်းဖြစ်နေစဉ် ဖုတ်ကောင်တစ်ကောင်ဆွဲမိခြင်းကြောင့် ဖြစ်ခဲ့ခြင်းဖြစ်သည်။

“အရင်က ကျွန်မတို့ပြောခဲ့တာကို လုပ်နိုင်တော့မယ်မထင်ဘူး။ အားလျန်က အဲ့အကြောင်းကိုသိပါတယ်။ သူရှင်တို့ကို အဲ့ဒိကိုခေါ်သွားပေးလိမ့်မယ်”