My Cherry Will Explode in the Apocalypse 《Myanmar Translation》

??????? ??《????????? ????》

ကျန့်ယွင်နှင့် စုရွေ့ကျယ်တို့အဖွဲ့သည်လည်း စစ်တပ်မှ ထောက်ပံ့ပေးထားသော စက်သေနတ်များတပ်ဆင်ထားသည့် စစ်ကားတစ်စီးကိုယူဆောင်လာခဲ့ပြီး သူတို့ကိုယ်များတွင် ခဲယမ်းများကိုသယ်ဆောင်လာခဲ့ကြသည်။ ကျန့်ယွင်မှ လွဲ၍ အဖွဲ့ထဲရှိ ကျန်သည့် လူအများစုသည် သေနတ်တစ်လက်အားကိုင်ဆောင်ဖူးခြင်းမှာ ပထမဆုံးအကြိမ်ဖြစ်လေသည်။ ၎င်းသည် အတော်လေးထူးဆန်းသော ခံစားချက်ပင်။

ကျန့်ကျားဟယ်တစ်ယောက်သာလျှင် ပတွတ်ပတွတ်နှင့် အထွန့်တက်လာခဲ့လေ၏။

“ကျွန်တော်က ဘယ်လိုပစ်ရမယ်တောင်သိတာမဟုတ်ဘူး။ လေးလံလွန်လို့ သံတုတ်ချောင်းတစ်ခုပေးလာတာက ကျွန်တော့်အတွက် ပိုကောင်းလိမ့်အုံးမယ်....”

ကျန်းရှို့လျန်သည် ဘာတစ်ခုမှ ပြောမလာသော်လည်း သူ့အမူအရာမှ သူလည်းပဲ ကျန့်ကျားဟယ်၏စကားကို အမှန်တကယ် ထောက်ခံနေလေသည်။

ဝူကျင်းသည် စိတ်အခြေမကောင်းဖြစ်နေပြီး သူမ၏ဘေးနားရှိလူအား ဆွဲလိုက်ပြီး ကျန့်ကျားဟယ်အား စူးစူးရဲရဲစိုက်ကြည့်ကာ

“လူတိုင်းက သူတို့မကြိုက်တာကို ထိန်းထားနိုင်သေးတယ်။ နင်တစ်ယောက်ပဲ မထိန်းနိုင်တာ”

စိတ်လှုပ်ရှားမှုများသေဆုံးသွား‌‌လေသော အိုတာကုလေးသည် အမျိုးသမီးတစ်ဦးနှင့် ငြင်းခုန်ရန် အခွင့်အရေးမရှိသဖြင့် ဒေါသတကြီးနှုတ်ပိတ်လိုက်ရလေတော့သည်။

စစ်ယာဉ်တန်းသည် မြို့ထဲသို့ဖြေးညှင်းစွာ၀င်လာသည်နှင့် ဆူညံသံသည် ဖုတ်ကောင်များစွာကိုဆွဲဆောင်လိုက်မိသော်လည်း ဘီးများဖြင့် မညှာမတာ အကြိတ်ခံလိုက်ရလေသည်။ သေနတ်သံများဖြင့် ပေါက်ကွဲသံများ ဆက်တိုက်ဆိုသလိုထွက်ပေါ်လာပြီး မြို့ထဲရှိ အသက်ရှင်ကျန်သူများအား စစ်တပ်ရောက်ရှိလာပြီဖြစ်ကြောင်း ကြေညာပေးနေလေ၏။

အစိုးရသည် ကယ်ဆယ်ရေးသတင်းအား ရေဒီယိုမှ ထပ်ခါ ထပ်ခါ ထုတ်လွှင့်ပေးထားခဲ့လေသည်။ မြို့ထဲရှိလူများသည် သူတို့ထံ၌ ရေဒီယိုတစ်လုံးရှိပါက သတင်းအားရရှိပြီးဖြစ်ရမည်။