My Cherry Will Explode in the Apocalypse 《Myanmar Translation》

??????? ??《 King Kong ????????? 》

“နားလည်မှုလွဲတာပါ! နားလည်မှုလွဲတာတစ်ခုပဲ!”

ရွှီဖုန့်ယင်းသည် နှစ်ဦးနှစ်ဖက်သဘောမတူနိုင်ဖြစ် နေသည့်အတွက် ကြောက်လန့်တကြား အလျင်စလိုနှင့် တားဆီးလိုက်၏။ ထိုလူများသည် အစွမ်းထက်ကြသော်လည်း သူတို့သည် လူသားများသာဖြစ်ကြ၏။ ကျည်ဆန်အစစ်တွေနဲ့ ဘယ်လိုတောင် တိုက်ခိုက်နိုင်ပါ့မလဲ?  ကျန့်ယွင်က သူတို့အားလုံးသည် စွမ်းအားရှင်များဖြစ်ကြောင်းပြောခဲ့သော်လည်း ဘယ်လိုဖြစ်နိုင်ပါ့မလဲ? ရွှီဖုန့်ယင်းတောင် မယုံခဲ့ချေ။

“အိုး ဒါက မာနကြီးတဲ့ မီးဖီးနစ် မဟုတ်လား? ဒီလူတွေကို အပြင်ဘက်ကနေ ကောက်လာတာလား? အရမ်း ပိုင်းခြားသိသာနေတယ်။ ချောမောလှပတဲ့ မိန်းမတွေနဲ့ ချောမောတဲ့ယောက်ျားတွေ အများကြီး ကိုကောက်လာခဲ့တာပဲ။ ငါ့ညီကိုတွေကို ဂုဏ်ပြုချင်တာလား?”

ဝူရယ်၏ဘက်မှ လူတစ်ယောက်သည် ပြောလိုက်၏။

“ဟာဟားဟား ငါတို့ ကံကောင်းတာ မဟုတ်ဘူးလား?”

တပြိုင်နက် ရယ်မောလိုက်ကြသည်။

ရွှီဖုန့်ယင်းသည် အသက်ပြင်းပြင်းရှူရင်း ဒေါသကို ထိန်းကာ ပြောလိုက်၏။

“သူတို့က ဒီမှာ အသစ်တွေမို့ စည်းမျဉ်းတွေကိုနားမလည်ကြဘူး။ ကျွန်မ သူတို့ရဲ့အစားအစာတွေကို လာပို့ပေးမယ်။ ကျွန်မ အခုပဲ ယူလိုက်မယ်။ ကျေးဇူးပြုပြီး ခဏစောင့်ပါ၊ ဝူရယ် နဲ့ ချီးရယ်”

【TN : ချီးရယ် = ခုနစ်ယောက်မြောက်သခင် ရယ်/ရဲ့ 】

ငါးယောက်မြောက်နှင့် ခုနစ်ယောက်မြောက်လူတို့သည် အခြေစိုက်စခန်းတပ်မှူးနှင့်အတူ ထောင်မှထွက်ပြေးလာသော ညီအကို တစ်ဒါဇင်အနက် နှစ်ယောက်ဖြစ်ကြ၏။ သူတို့ထဲမှ ရှစ်ဦးသည် စွမ်းအား နိုးထလာသောကြောင့် ကင်းကောင်ရှစ်ကောင်ဟု ခေါ်တွင်ကြ၏။ သူတို့နှစ်ဦးမှာ ကင်းကောင်ရှစ်ပါး၏ ငါးယောက်မြောက်နှင့် ခုနစ်ယောက်မြောက်တို့ဖြစ်ကြသည်။

ကင်းကောင်ရှစ်ကောင်သည် စွမ်းအားရှင်များသာမက သူတို့၏လက်ထဲတွင်လည်း လက်နက်များရှိကြ၏။ သူတို့သည် အခြေစိုက်စခန်းရှိ ပကတိသခင်များဖြစ်ကြကာ စော်ကားခြင်းမပြုသင့်ပေ။