Class of Morpheus

Corine's birthday celebration

“Congratulations, Class Z!" Pagsigaw ni Spade na ikinasayaw ng  mga egg warriors. May paconfetti pa.

Napangiti ako.

Panalo kami!

Nanalo kami sa dance competition, solo and group. Tapos parehong second place sa singing competition. Pero kahit second place kami, icecelebrate namin 'yun! Dzuh, buti nga kami naka2nd 'yung iba nga hindi nakapasok.

Nandito kami sa resort ni Lolo M. Nang malaman niya na nanalo kami ay dito kami pinadiretso lahat. May palechon pa! Shalaa. Iba talaga si Lolo.

“Congrats!" Paglapit sa'kin ni Spade.

“Salamat." Ngumiti ako.

“Sayang hindi ko napanood 'yung performance mo." Aniya. Napakamot ako sa ulo.

“Nako, buti nga hindi niyo napanood!" Agad kong sagot na ikinakunot ng noo niya. “Ang ibig kong sabihin… para lang akong natula kaya huwag na!"

Nagpeke ako ng tawa. Kapag nalaman nila 'yung nangyari, ewan ko nalang.

“Why not? I saw you giving your 100% when practicing so I think it came out the best."

Sus, nambola pa. “Nambola ka pa. Tss."

Napatawa siya dahil don.

“GUYSSS! GINAGAWA NIYO DIYAN!"

Bunganga talaga ni Wavin. -.-

“PUPUNTA NA!" Sigaw ko pabalik.

Nagkatinginan kaming dalawa ni Spade bago napailing. Naglakad na kami pabalik. Gusto ko lang namang magsight seeing kaso ang daming epal. Hmp, next time na nga lang.

Dumiretso ako sa may kalapit ni Lolo M, kalapit ni Gray. Dire-diretsong umupo ako don.

“Ayy, nakakapagod palang tumayo!" Naibulalas ko nalang.

Walang tigil sa paglakad, ansakit ng mga binti ko. T_T Kinapa kapa ko 'yung binti ko. Kumikirot talaga, ayaw paawat.

“Paanong hindi! Tagal MO kayang nakatayo kasama si Tristan sa  stage kanina."

Aba't. Siraulo 'tong Timothy na 'to. Pinaalala pa, ayos na nga. Game over na e, sisimulan na naman. Hindi na naman tuloy magkandamayaw ang mga mata ng mga Egg Warriors na hilaw. Akala mo kung inaano.

“Kasalanan ko? Hindi ko kasalanan 'yun, uy!"

Peksman, mamatay pa si batman. Kasalanan 'yun nung mga babae. Pinaglololoko ako.

“Kasalanan mo pa rin! Sumama ka e, napakapaniwalain mo." Bwelta pang muli ni Tim.

Pinalakihan ko siya ng mata.

“OH, BAKIT?!" - Tim, hindi ko na alam king seryoso ba siya ngayon o nantitrip lang.

I glared at him. “Laki ng mata mo." Pabulong kong sagot.

“ANONG SABI MO?! WAVIN, OH!"

Nagsumbong pa! “Sige, magsumbong ka! Paguntugin ko pa kayo!"

Anong kala nila? Tsk. Pinalaki kaya akong palaban ni mama at kuya.

“Anong nangyayari dito?" May pagtikhim pang wika ni Lolo M.

Ayan na, napansin na tuloy! Napaiwas ako nang tingin kay Lolo M. Mukhang mangangain na naman. May kung ano sa tingin niya, mukha siyang may lie detector sa katawan.